Eitt tilboð í stækkun Grunnskóla Borgarness

Tilboð í viðbyggingu og endurbætur á Grunnskólanum í Borgarnesi voru opnuð hjá Ríkiskaupum þriðjudaginn 6. mars sl. Einungis eitt tilboð barst í verkið. Það var frá Eiríki J. Ingólfssyni húsasmíðameistara í Borgarnesi. Tilboðið hljóðaði upp á 818,5 m.kr. Kostnaðaráætlun verksins var upp á 689,6 m.kr. Tilboðið var því 18,7% yfir kostnaðaráætlun. Í frétt Borgarbyggðar segir að tilboðið verði tekið til skoðunar og lagt mat á niðurstöðuna á næstu dögum.

Líkar þetta

Fleiri fréttir