medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/freeform

Að vanda voru verkefni lögreglunnar á Vesturlandi af ýmsum toga um nýliðna helgi. Síðustu þorrablót ársins voru haldin og fóru vel fram og án teljandi afskipti lögreglu. Vinkonur skelltu sér í sund í Bjarnalaug á Akranesi, utan opnunartíma, og var lögregla fengin til að vísa þeim úr lauginni. Þá var nokkuð um vegfarendur sem fest höfðu ökutæki sín í snjó víða um starfssvæðið.

Umferðaróhöpp settu einnig svip sinn á helgina en helst ber að nefna, samkvæmt dagbók lögreglu, að bifreið var ekið utan í vegg í Hvalfjarðargöngunum. Þá varð bílvelta á Vatnaleið á Snæfellsnesi og árekstur tveggja ökutækja á vegamótum á Akranesi. Ekki urðu alvarleg slys á fólki í þessum óhöppum en talsvert eignatjón.

Lögreglan á Vesturlandi hafði afskipti af fjölda ökumanna við hefðbundið eftirlit um helgina. Einn ökumaður sem stöðvaður var í Borgarnesi reyndist vera sviptur ökuréttindum auk þess að vera undir áhrifum fíkniefna. Við hraðamælingar voru fjórir ökumenn kærðir fyrir að aka of hratt innanbæjar í Borgarnesi þar sem leyfilegur hámarkshraði er 50 km/klst. Sá sem hraðast ók mældist á 89 km hraða. Loks var ökumaður stöðvaður rétt norðan við Borgarnes þar sem hann ók bifreið sinni á 147 km hraða. Hann reyndist einnig ölvaður og var sviptur ökuréttindum ævilangt.

Helgarverkefni lögreglu af ýmsum toga