Miðvikudaginn 7. febrúar munu fulltrúar félagsmiðstöðva á Vesturlandi etja kappi í söngkeppninni SamVest í Borgarnesi. Þar keppa til úrslita sigurvegarar í undankeppnum söngkeppna félagsmiðstöðva víðsvegar af Vesturlandi. Tveir sigurvegarar úr þeirri keppni verða fulltrúar Vesturlands í söngvakeppninni Samfés sem fer fram í Laugardalshöllinni í Reykjavík helgina 24.-25. mars.

Undankeppnin á Akranesi fór fram í gærkvöldi og nefnist keppnin Hátónsbarkinn. Að henni standa félagsmiðstöðin Arnardalur og grunnskólarnir. Tíu söngvarar komu fram, fjórir frá Grundaskóla og sex frá Brekkubæjarskóla og stóðu sig allir vel. Dómnefnd valdi síðan einn fulltrúa frá hvorum skóla í SamVest keppnina. Hana skipuðu Elfa Margrét Ingvadóttir, Katrín Valdís Hjartardóttir og Jóna Alla Axelsdóttir. Sigurvegarar urðu þær Sigríður Sól Þórarinsdóttir frá Brekkubæjarskóla sem flutti lagið If I aint got you. Matthildur Hafliðadóttir var sigurvegari nemenda Grundaskóla en hún söng lagið Only you. Flosi Einarsson spilaði undir í báðum atriðum þeirra.

Keppendur fengu allir rós að launum fyrir góða frammistöðu.

Undankeppnir fyrir SamVest standa yfir