Eins og greint var frá í Skessuhorni fyrr í vikunni veitti Viðskiptablaðið 850 fyrirtækjum hér á landi viðurkenningar fyrir traustan rekstur og góða eiginfjárstöðu rekstrarárið 2016. Af þessum fyrirtækjum voru 33 hér á Vesturlandi og var listi yfir þau birtur í blaðinu. En nú háttar þannig til að tvö fyrirtæki eru að taka saman sambærilegan lista sem byggir á svipuðum forsendum úr ársreikningum. Líkt og undanfarin ári veitti Creditinfo framúrskarandi fyrirtækjum viðurkenningar í síðustu viku fyrir rekstrarárið 2016. Á lista Creditinfo voru hins vegar 44 fyrirtæki á Vesturlandi sem fengu viðurkenningar eftir greiningu á rekstri og efnahag.

Á landsvísu hlaut Hampiðjunni sérstök verðlaun fyrir nýsköpun og N1 verðlaun fyrir framúrskarandi árangur í samfélagsábyrgð. Það sem einkennir fyrirtæki á lista Creditinfo er að þau sýna stöðugleika í rekstri og eru líkleg til að hafa jákvæð áhrif á efnahag og samfélagið. Fjöldi fyrirtækja á listanum hefur aukist ár frá ári. Á síðastliðnu ári komust 629 fyrirtæki á listann en nú í ár voru þau 868 talsins, eða 2,2% allra skráðra fyrirtækja á Íslandi. 239 ný fyrirtæki bættust á listann í ár miðað við 112 á síðasta ári. Samherji hf. trónir efst á lista stórra fyrirtækja, Eignarhaldsfélagið Randver ehf. er efst meðalstórra fyrirtækja og fasteignasalan Eignamiðlun ehf. efst á lista yfir lítil fyrirtæki.

Fram kemur að dregið hefur talsvert úr vanskilum félaga undanfarin ár. Einungis 1,6% stórra fyrirtækja eru með vanskil, 4,1% meðalstórra og 9,7% lítilla fyrirtækja. Meðaltalsarðsemi eiginfjár stórra fyrirtækja á listanum var 14,7% miðað við 10% hjá öllum félögum, meðaleiginfjárhlutfall var 50%, meðaleignir voru 12 milljarðar króna og vegið meðaltal rekstrarhagnaðar var einn milljarður króna í samanburði við 745 milljóna króna meðalrekstrarhagnað hjá öllum fyrirtækjum. Meðalstór fyrirtæki voru að meðaltali með 26% arðsemi eiginfjár, meðaleiginfjárhlutfallið var 58% og eignir voru að meðaltali 464 milljónir króna. Lítil fyrirtæki voru að meðaltali með 61% eiginfjárhlutfall, 27% arðsemi eiginfjár og eignir upp á 139 milljónir króna.

Þau félög sem fá viðurkenningu Creditinfo sem Framúrskarandi fyrirtæki þurfa að uppfylla viss skilyrði er varða rekstur og stöðu þeirra. Félögin þurfa að hafa skilað ársreikningum síðustu þriggja ára. Enn fremur þurfa félögin að vera í einum að þremur bestu lánshæfisflokkunum skv. lánshæfismati Creditinfo og félögin þurfa að hafa sýnt fram á rekstrarhagnað síðustu þrjú ár. Jafnframt þarf eiginfjárhlutfall félaganna að hafa verið 20% eða meira þrjú rekstrarár í röð auk þess sem eignir þurfa að hafa verið 90 milljónir eða meira á síðasta rekstrarári og a.m.k. 80 milljónir árin tvö þar á undan.

Fyrirtækin á Vesturlandi sem hlutu viðurkenningar Creditinfo (númer í röð á landsvísu):

Nr. 50 KG Fiskverkun ehf, Melnes 1 Hellissandi

Nr. 65 Spölur ehf., Kirkjubraut 28 Akranesi

Nr. 120 Sementsverksmiðjan ehf., Mánabraut 20 Akranesi

Nr. 129 Skaginn hf., Bakkatúni 26 Akranesi

Nr. 193 Vignir G. Jónsson ehf., Smiðjuvöllum 4 Akranesi

Nr. 220 Borgarverk ehf., Sólbakka 17-19 Borgarnesi

Nr. 246 Sæfell hf., Hafnargötu 9 Stykkishólmi

Nr. 258 Bjarmar ehf, Hólmaflöt 2 Akranesi

Nr. 286 Steinunn hf, Pósthólf 08 Ólafsvík

Nr. 312 Kristinn J Friðþjófsson ehf, Háarifi 5 Rifi

Nr. 318 Útnes ehf., Háarifi 25 Rifi

Nr. 331 Norðanfiskur ehf., Vesturgötu 5 Akranesi

Nr. 350 Þorgeir & Ellert hf., Bakkatúni 26 Akranesi

Nr. 352 Akraberg ehf., Hlynskógum 9 Akranesi

Nr. 378 Skarðsvík ehf., Helluhóli 1 Hellissandi

Nr. 381 Melnes ehf., Háarifi 7 Rifi

Nr. 391 Nesver ehf., Háarifi 19 Rifi

Nr. 409 Jens Valgeir ehf, Hafnarbakka 1 Hellissandi

Nr. 422 Esjar ehf., Hraunási 13 Hellissandi

Nr. 452 Sandbrún ehf, Háarifi 17a Rifi

Nr. 488 Límtré Vírnet ehf., Borgarbraut 74 Borgarnesi

Nr. 493 Útgerðarfélagið Dvergur hf, Grundarbraut 26 Ólafsvík

Nr. 536 Litlalón ehf, Skipholti 8 Ólafsvík

Nr. 539 Straumnes ehf. rafverktakar, Krókatúni 22-24 Akranesi

Nr. 554 Sverrisútgerðin ehf, Túnbrekku 16 Ólafsvík

Nr. 565 Runólfur Hallfreðsson ehf, Tindaflöt 6 Akranesi

Nr. 569 Sorpurðun Vesturlands hf., Bjarnarbraut 8 Borgarnesi

Nr. 580 Verslunin Kassinn ehf, Brautarholti 17 Ólafsvík

Nr. 590 Útgerðarfélagið Guðmundur ehf, Brautarholti 18, Ólafsvík

Nr. 605 Skagaverk ehf Skarðsbraut 11, Akranesi

Nr. 631 Hótel Borgarnes hf., Egilsgötu 16 Borgarnesi

Nr. 648 Nónvarða ehf, Bárðarási 6, Hellissandi

Nr. 652 Meitill – GT Tækni ehf., Grundartanga Hvalfjarðarsveit

Nr. 666 Kaupfélag Borgfirðinga ( svf ), Egilsholti 1 Borgarnesi

Nr. 674 Klafi ehf. Grundartanga

Nr. 684 Eðalfiskur ehf., Vallarási 7-9 Borgarnesi

Nr. 729 Trésmiðjan Akur ehf., Smiðjuvöllum 9 Akranesi

Nr. 770 Ingibjörg ehf., Grundarbraut 22 Ólafsvík

Nr. 787 Eiður Ólafsson ehf., Eikarskógum 10 Akranesi

Nr. 798 Hópferðabílar Reynis Jóhannssonar ehf, Jörundarholti 39 Akranesi

Nr. 835 Þórishólmi ehf., Hamraendum 5 Stykkishólmi.

Alls 44 fyrirtæki á Vesturlandi eru til fyrirmyndar öðrum