Samherji, Icelandair Group og Félagsbústaðir eru efst á lista Viðskiptablaðsins og Keldunnar yfir Fyrirmyndarfyrirtæki í rekstri, en úrslit voru kynnt í síðustu viku. Athygli vekur að nú eru tveir aðilar sem taka saman svipaðan eða sambærilegan lista. Creditinfo byggir könnun sína á svipuðum forsendum og Viðskiptablaðið en birtir niðurstöðuna viku síðar en Viðskiptablaðið.

Í heildina komast ríflega 850 fyrirtæki á lista Viðskiptablaðsins eða um 2% fyrirtækja landsins. Til þess að komast á listann þurfa fyrirtæki að hafa skilað ársreikningi og uppfylla ströng skilyrði. Fyrirtækin þurfa t.d. að hafa skilað jákvæðri afkomu á rekstrarárinu, tekjur þurfa að hafa verið umfram 30 milljónir króna, eignir yfir 80 milljónir og eiginfjárhlutfallið þarf að hafa verið yfir 20%. Auk þessa er tekið tillit til annarra þátta, sem metnir eru af Viðskiptablaðinu og Keldunni. Efstu tíu fyrirtækin á listanum eiga það sammerkt að vera stór.

Samkvæmt heildarlistanum er sjávarútvegsfyrirtækið Samherji hf. í fyrsta sæti yfir Fyrirmyndarfyrirtæki árið 2017. Þrjú þeirra starfa í sjávarútvegi, eitt í ferðaiðnaði, þrjú á fasteignamarkaði, tvö í hátækni og eitt í verslun.

Á Vesturlandi eru 33 fyrirtæki sem komast á lista þessara 850 fyrirtækja og teljast fyrirmyndarfyrirtæki. Efst þeirra eru Hraðfrystihús Hellissands og KG Fiskverkun í Rifi, Spölur er í þriðja sæti og Skaginn í fjórða.

Efstu fyrirtækin á Vesturlandi (fremst er röðun á landsvísu):

Nr. 26. Hraðfrystihús Hellissands hf, Hellissandi. Matvælaframleiðsla.

Nr. 43. KG Fiskverkun ehf Hellissandi. Fiskveiðar og fiskeldi

Nr. 55. Spölur ehf. Akranesi. Vörugeymsla og stoðstarfsemi fyrir flutninga.

Nr. 123. Skaginn hf. Akranesi. Framleiðsla á vélum og tækjum.

Nr. 166. Vignir G. Jónsson ehf. Akranesi. Matvælaframleiðsla.

Nr. 210. Borgarverk ehf. Borgarnesi. Mannvirkjagerð.

Nr. 238. Sæfell hf. Stykkishólmi. Fiskveiðar og fiskeldi

Nr. 248. Bjarmar ehf Akranesi. Smásöluverslun, að undanskildum vélknúnum ökutækjum

Nr. 304. Kristinn J Friðþjófsson Hellissandi. Fiskveiðar og fiskeldi.

Nr. 324. Norðanfiskur ehf. Akranesi. Matvælaframleiðsla.

Nr. 331. Marz sjávarafurðir ehf. Stykkishólmi. Fiskveiðar og fiskeldi.

Nr. 344. Þorgeir & Ellert hf. Akranesi. Viðgerðir og uppsetning vélbúnaðar og tækja.

Nr. 349. Traust þekking ehf Borgarnesi. Framleiðsla á öðrum ótöldum vélum og tækjum.

Nr. 390. Nesver ehf. Hellissandi. Fiskveiðar og fiskeldi.

Nr. 423. BB & synir ehf. Stykkishólmi. Flutningar á landi og eftir leiðslum.

Nr. 453. Sandbrún ehf Hellissandi. Fiskveiðar og fiskeldi.

Nr. 484. Límtré Vírnet ehf. Borgarnesi. Framleiðsla málma.

Nr. 487. Útgerðarfélagið Dvergur hf Ólafsvík. Fiskveiðar og fiskeldi.

Nr. 499. Runólfur Hallfreðsson ehf Akranesi. Fiskveiðar og fiskeldi

Nr. 511. Trésmiðja Guðm. Friðrikss ehf Akranesi. Framleiðsla á viði, viðarvörum og korki, önnur en húsgagnagerð; framleiðsla á vörum úr hálmi og fléttuefnum.

Nr. 572. Sorpurðun Vesturlands hf. Borgarnesi. Sorphirða, meðhöndlun og förgun sorps; endurnýting efnis.

Nr. 596. Útgerðarfélagið Guðmundur ehf Ólafsvík. Fiskveiðar og fiskeldi.

Nr. 633. Hótel Borgarnes hf. Borgarnesi. Rekstur gististaða

Nr. 654. Meitill – GT Tækni ehf. Akranesi. Bygging húsnæðis; þróun byggingarverkefna

Nr. 667. Kaupfélag Borgfirðinga Borgarnesi. Smásöluverslun, að undanskildum vélknúnum ökutækjum.

Nr. 696. Bifreiðastöð Þórðar Þ Þórðarsonar ehf. Akranesi. Vörugeymsla og stoðstarfsemi fyrir flutninga.

Nr. 730. Trésmiðjan Akur ehf. Akranesi. Framleiðsla á viði, viðarvörum og korki, önnur en húsgagnagerð; framleiðsla á vörum úr hálmi og fléttuefnum.

Nr. 732. Gísli Stefán Jónsson ehf. Akranesi. Leigustarfsemi, þó ekki fasteignaleiga

Nr. 733. Búvangur ehf Borgarbyggð. Ræktun nytjajurta og búfjárrækt, veiðar og tengd þjónustustarfsemi

Nr. 775. Prentmet Vesturlands hf Akranesi. Prentun og fjölföldun upptekins efnis.

Nr. 784. Hópferðabílar Reynis Jóhannssonar ehf. Akranesi. Flutningar á landi og eftir leiðslum

Nr. 840. Fiskmarkaður Snæfellsbæjar ehf. Ólafsvík. Vörugeymsla og stoðstarfsemi fyrir flutninga.

Nr. 850. Eyrarsveit ehf. Grundarfirði. Fasteignaviðskipti.

Á fjórða tug fyrirmyndarfyrirtækja Viðskiptablaðsins eru á Vesturlandi