medium

large

thumbnail

1536x1536

small

custom-size

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

core/freeform

Síðastliðinn þriðjudag var formlega gengið frá sameiningu hestamannafélaganna Faxa og Skugga. Þá um kvöldið var haldinn sameiginlegur framhaldsaðalfundur beggja félaganna þar sem ný lög voru samþykkt og kosið í stjórn og nefndir nýs félags.

Félagið hefur enn ekki hlotið nafn en félagsmenn munu í rafrænni kosningu kjósa milli fimm nafna sem valin voru úr innsendum tillögum. Þessi nöfn eru: Borgfirðingur, Fjöður, Glampi, Skeifa og Taktur. Innan fárra daga ætti því að vera orðið ljóst hvaða nafn verður fyrir valinu.

Fyrsti formaður félagsins var kjörin Þórdís Arnardóttir í Miðgarði en með henni í stjórn eru: Haukur Bjarnason, Marteinn Valdimarsson, Reynir Magnússon, Sigurþór Óskar Ágústsson, Björg María Þórsdóttir, Guðrún Fjeldsted og Kristján Gíslason. Stjórnin á eftir að skipta með sér verkum.

„Það er ætlun nýrrar stjórnar að ganga rösklega til verka, bæði hvað varðar hin praktísku atriði sameiningarinnar og eins að því að efla félagslega þáttinn, ekki hvað síst með öflugu æskulýðsstarfi. Aðstaða félagsins til mótahalds og annars félagsstarfs er með því sem best gerist og fjárhagsstaða er góð. Það er von okkar, og raunar vissa, að hér hafi verið tekið framfaraspor í félagsstarfi hestamanna. Borgfirskir hestamenn koma nú sameinaðir fram undir einu merki og öflugri en nokkru sinni fyrr,“ segir í tilkynningu frá stjórn hins nýja félags.

Borgfirðingar búnir að sameina hestamannafélögin Skugga og Faxa