Gróa Dagmar Gunnarsdóttir er ung og efnileg listakona á Akranesi. Hún fæddist 2001 og flutti á Akranes þegar hún var fjögurra ára gömul og hefur búið þar síðan. Hún hóf nám á náttúrufræðibraut við Fjölbrautaskóla Vesturlands síðastliðið haust, vinnur í Lindex samhliða námi og stefnir í listaháskóla í Bandaríkjunum þegar hún hefur lokið stúdentsprófi. Gróa hefur málað og teiknað myndir frá því hún hafði fyrst tök á að beita penslinum. „Ég lék mér ekki mikið með leikföng sem barn heldur fór ég að lita og mála myndir þegar ég var pínulítil. Einnig lék ég mér mikið með leir og hafði í raun alltaf gaman að því að skapa eitthvað. Ég fékk nýjan leir í hverjum mánuði og það voru alltaf til nóg af blöðum fyrir mig til að mála á, þó það hafi ekki alltaf dugað til og ég stundum gert listaverk á veggina,“ segir Gróa og hlær. „Ég hafði alltaf frelsi til að gera nákvæmlega það sem ég vildi og er ég afskaplega þakklát fyrir það. Ég er ekki viss um að ég væri að gera það sem ég elska í dag ef ég hefði ekki haft þennan stuðning sem barn,“ bætir hún við.

Sjá nánar spjall við Gróu Dagmar í Skessuhorni vikunnar.

Gróa teikna þessa mynd af hundinum Nóra og gaf tengdamömmu sinni í jólagjöf. Myndin er teiknuð með hvítu koli á svartan pappír.

Langar að teikna myndir fyrir Disney teiknimyndaframleiðandann