medium

large

thumbnail

1536x1536

2048x2048

small

custom-size

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

Hinrik Örn Bjarnason ráðinn framkvæmdastjóri Eðalfangs

core/freeform

Frá því á laugardagsmorgun hefur verið brunavakt í íþróttahúsinu við Vesturgötu á Akranesi. Ástæðan er sú að brunavarnakerfi hússins reyndist við skoðun vera óvirkt. „Ég kom hingað á laugardagsmorgun til að vinna að umsögn vegna þorrablótsins sem stendur til að halda hér um helgina. Þá sé ég að kerfið er ekki virkt og set strax vakt á húsið,“ segir Þráinn Ólafsson, slökkviliðsstjóri Slökkviliðs Akraness og Hvalfjarðarsveitar, í samtali við Skessuhorn. „Síðan þá hefur verið vakt á húsinu alla daga og verður áfram á þeim tímum sem starfsemi er í því, eða þar til brunavarnakerfið er komið í lag. Við höfum verið þrír á vakt þessa daga, ég sjálfur og tveir slökkviliðsmenn með mér hverju sinni,“ segir Þráinn.

Aðspurður kveðst hann ekki geta sagt til um hvers vegna brunavarnakerfi hússins var ekki virkt. „Ég veit ekki hvers vegna eða hve lengi kerfið hefur verið óvirkt. Núna er verið að laga það og ég reikna með að kerfið verði komið í gagnið innan fárra daga,“ segir Þráinn. Hann lítur málið alvarlegum augum, enda starfsemi í íþróttahúsinu frá því snemma morguns þar til seint að kvöldi. „Þetta er grafalavarlegt mál. Það er forskrifað í lögum að brunavarnakerfi eigi að vera í svona byggingum. Það er algjört grundvallaröryggisatriði. Að kerfið hafi ekki verið virkt er algerlega óásættanlegt,“ segir slökkviliðsstjórinn að endingu.

Brunavakt í íþróttahúsinu við Vesturgötu