medium

large

thumbnail

1536x1536

small

custom-size

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

core/freeform

Í síðustu viku voru veittir tveir öndvegisstyrkir úr Uppbyggingarsjóði Vesturlands. Komu þeir í hlut Vínlandsseturs í Búðardal og Kaju Organic á Akranesi. Á haustmánuðum var auglýst eftir hugmyndum að verkefnum sem hlotið gætu öndvegisstyrk úr sjóðnum. Alls bárust tíu tillögur. Var það niðurstaða stjórnar Uppbyggingarsjóðs Vesturlands að velja þrjú verkefni sem fengju stuðning til að vinna viðskiptaáætlanir um frekari útfærslu. Umsókn eins verkefnisins var dregin til baka og eftir stóðu Vínlandssetur og Kaja Organic. Niðurstaða stjórnar sjóðsins var að veita Vínlandssetri öndvegisstyrk að upphæð ellefu milljónir króna og Kaju Organic styrk að verðmæti fjórar milljónir.

„Vínlandssetur í Búðardal er verkefni sem hefur verið í undirbúningi um nokkurt skeið.  Setrið segir í einni sýningu frá landnámi íslenskra manna í Grænlandi og af fundi þeirra og ferðum til Ameríku.  Sýningin verður sett upp á efri hæð Leifsbúðar, en á neðri hæð verður minjagripaverslun og veitingastaður.  Vínlandssetur verður n.k. systursetur Landnámssetursins í Borgarnesi, en þau hjónin Kjartan Ragnarsson og Sigríður Margrét Guðmundsdóttir hafa í samstarfi við Dalabyggð unnið að undirbúning að stofnun setursins.  Markmiðið með Vínlandssetri er að laða til sín innlenda sem erlenda ferðamenn og efla þannig Dalabyggð sem ferðaþjónustusvæði,“ segir í tilkynningu frá Samtökum sveitarfélaga á Vesturlandi.

Kaja Organic á Akranesi hlýtur styrk til framleiðslu á lífrænum jurtamjólkurdrykkjum. „Kaja Organic á Akranesi er orðið þekkt vörumerki og stendur fyrir lífrænt vottað, gæði og gott verð. Karen Jónsdóttir, eigandi fyrirtækisins, hefur rekið heildsölu, verslun og kaffihús með lífrænar vörur, auk þess að framleiða lífrænar kökur og pasta. Nú hyggst Karen hefja framleiðslu á jurtamjólk undir merkjum Kaju organic og fær fyrirtækið öndvegisstyrk til að hefja framleiðslu á lífrænni jurtamjólk.“

Vínlandssetur og Kaja Organic hlutu öndvegisstyrki