medium

large

thumbnail

1536x1536

2048x2048

small

custom-size

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

core/freeform

Samtök fyrirtækja í sjávarútvegi hafa gert skýrslu um olíunotkun í sjávarútvegi og væntanlega notkun til ársins 2030, auk annarra umhverfisþátta í starfsemi sjávarútvegsfyrirtækja. „Mikið hefur áunnist á undanförunum áratugum og mjög hefur dregið úr losun gróðurhúsalofttegunda sem rekja má til sjávarútvegs á Íslandi. Sú þróun heldur áfram á komandi árum. Einkum er horft til áranna 1990 til 2030 í skýrslunni, en það er það tímabil sem Parísarsamkomulagið miðast við. Það er von Samtaka fyrirtækja í sjávarútvegi að skýrslan gefi nokkuð skýra mynd af þróun í olíunotkun sjávarútvegs á Íslandi og einnig því, hvernig sjávarútvegurinn mun á næstu árum draga enn frekar úr olíunotkun og losun gróðurhúsalofttegunda,“ segir í tilkynningu.

Meðal helstu niðurstaðna í skýrslunni eru að sterkir fiskistofnar, framfarir í fiskveiðum og betra skipulag veiða hefur leitt til verulega minni olíunotkunar í sjávarútvegi og þar með losun gróðurhúsalofttegunda. Eldsneytisnotkun í sjávarútvegi hefur í heild minnkað um 43% frá árinu 1990 til ársins 2016. Þá kemur fram að reiknað er með að eldsneytisnotkun í sjávarútvegi hafi dregist saman um 134 þúsund tonn frá árinu 1990 til ársins 2030. Þá verði bræðsla á fiski nær eingöngu knúin með rafmagni og raforkuframleiðsla um borð í fiskiskipum heyri til undantekninga þegar skip eru í höfn. Gangi þetta eftir mun eldsneytisnotkun í sjávarútvegi dragast saman um 54% á tímabilinu.

Í skýrslunni kemur fram að ársnotkun eldsneytis í sjávarútvegi árið 2016 var sú lægsta frá árinu 1990, bæði frá fiskiskipum og fiskimjölsverksmiðjum. Loks kemur fram að fjárfestingarþörf í fiskiskipum fram til ársins 2030 er metin um 180 milljarðar króna. Nýrri og tæknivæddari skip munu draga enn frekar úr umhverfisáhrifum sjávarútvegs. Hagkvæmnisútreikningar sýna að hagstæðara er að nota rafmagn úr landi þegar skip eru í höfn, frekar en að keyra ljósavélar sem ganga fyrir olíu.

Verulega dregur úr eldsneytisnotkun í sjávarútvegi