medium

large

thumbnail

small

custom-size

Léku sér í rokinu

1536x1536

2048x2048

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

core/freeform

Í síðustu viku fór fram kynning á 100 verkefnum sem verða á dagskrá aldarafmælis sjálfstæðis og fullveldis Íslands 2018. Kynningin var haldin í Safnahúsinu við Hverfisgötu að viðstöddum fulltrúum verkefna af öllu landinu. „Á næsta ári fögnum við aldarafmæli sjálfstæðis og fullveldis Íslands. Afmælisnefnd var falið, samkvæmt þingsályktun, að standa fyrir hátíðarhöldum um land allt. Var ákveðið að fara þá leið að leita til landsmanna um mótun dagskrár afmælisársins. Auglýst var eftir tillögum að verkefnum á dagskrána. Bárust 169 tillögur og var sótt um rúmlega 280 milljónir króna. Á fimmtudaginn voru kynnt þau 100 verkefni sem valin voru úr innsendum tillögum.

Verkefnin sem valin voru á dagskrána eru fjölbreytt og verða unnin um land allt. Þau bera með sér hugmyndaauðgi og gefa mynd af öflugu menningar- og atvinnulífi í landinu. Verkefnin spanna allt litrófið; þau eru stór og umfangsmikil eða minni um sig, en öll styrkja þau ímynd þjóðarinnar sem sjálfstæðrar og fullvalda þjóðar í samfélagi þjóðanna. Mörg verkefnanna fela í sér samstarf einstaklinga, samtaka og stofnana hér á landi og erlendis, en sérstaklega var hvatt til nýsköpunar í áherslum sem nefndin kynnti á vef sínum þegar auglýst var eftir verkefnum á afmælisdagskrána,“ segir í tilkynningu afmælisnefndar.

Hæstu styrkina, eða þrjár milljónir, hljóta hátíðarsýningar í Þjóðminjasafni Íslands 2018, Óperan Bræður eftir Daníel Bjarnason í Íslensku óperunni og Sagafilm sem ætlar að framleiða sjónvarpsþætti um Fullveldisöldina.

<em>Í Skessuhorni sem kom út í dag er sagt frá þeim verkefnum sem hlutu styrki og tengjast Vesturlandi með beinum hætti, en alls renna 6,8 milljónir króna til þeirra.</em>

Tæpar sjö milljónir í verkefnastyrki á Vesturland