medium

large

thumbnail

1536x1536

small

custom-size

Fjölmenningarskóli Vesturlands tekinn til starfa

Framkvæmdir komnar vel á veg í Víkurhverfi

Vill byggja upp ullarvinnslu fyrir Dalina

Hlutur ferðaþjónustu í landsframleiðslu aldrei verið meiri

Veiðihús við Andakílsá að taka á sig mynd

Gary Martin gengur til liðs við Víking Ólafsvík

core/freeform

Snæfellsbær lét nú í byrjun mánaðarins bora tilraunaholu við Ráðhús Snæfellsbæjar á Hellissandi. Með þessari borun var verið að kanna jarðlögin en þau eru nokkuð flókin blanda m.a. af klöpp og hrauni. Það var Ræktunarsamband Flóa og Skeiða sem sá um borunina. Að sögn Kristins Jónassonar bæjarstjóra Snæfellsbæjar tókst borunin vel en töluvert vatn og sjór er í holunni sem er 150 metra djúp. Hitinn í henni mælist 6,5 gráður og botnhiti um 15 gráður. Eins og staðan er nú er gert ráð fyrir að holan nýtist til að kynda Ráðhúsið með því að tengja „vatn í vatn“ varmadælu við hana. Einnig hlýst við þetta góð reynsla sem ætti að nýtast til að bora fleiri holur á svæðinu. Til að mynda verður auðveldara að reikna út kostnað við borun og kaup á varmadælum við hús. Reynslan af notkun „vatn í vatn” varmadælna hefur sýnt fram á orkusparnað upp á 50 - 60% og ef hús eru vel einangruð og með gólfhita ætti sparnaðurinn að geta orðið meiri þar sem þess konar hús þurfa minni orku.

Nægilegur hiti fannst við ráðhússvegg til að knýja varmadælu