Sprotafyrirtæki í ferðaþjónustu geta sótt um Startup Tourism

Næstkomandi mánudag rennur út frestur til að sækja um þátttöku í Startup Tourism. Um er að ræða tíu vikna viðskiptahraðal sem sniðinn er að þörfum nýrra fyrirtækja í ferðaþjónustu. Ár hvert eru allt að tíu sérvalin sprotafyrirtæki valin til þátttöku og fá þau tækifæri til að þróa áfram viðskiptahugmyndir sínar undir leiðsögn reyndra frumkvöðla, fjárfesta og annarra sérfræðinga þeim að kostnaðarlausu. Markmið verkefnisins er að hvetja til nýsköpunar á sviði ferðaþjónustu, styrkja stoðir nýrra fyrirtækja, fjölga afþreyingarmöguleikum og stuðla að dreifingu ferðamanna víðsvegar um landið, allan ársins hring.

Næsti viðskiptahraðall hefst 15. janúar 2018 og fer fram í Reykjavík. Opið er fyrir umsóknir á www.startuptourism.is og hægt að sækja um til mánudagsins 11. desember nk.

Líkar þetta

Fleiri fréttir