Á Vesturlandi er nú hálka á vegum, hálkublettir eða snjóþekja og eitthvað um éljagang. Athygli er vakin á því að Breiðafjarðarferjan Baldur er í viðgerð og verður næstu vikurnar. Vegna þess hefur Vegagerðin ákveðið að vetrarþjónusta við suðurfirði Vestfjarða verði aukin til klukkan 20:00. Almennt er spáð mjög slæmu veðri í dag og morgun allt frá Vestfjörðum, um Norðurland og á Suðausturlandi. Veðurlýsing og spá er þannig:

„Veður fer heldur skánandi nú um hádegi undir Eyjafjöllum og í Mýrdal, en áfram verður þó hvasst á þeim slóðum. Mjög snarpir, en staðbundnir strengir verða í allan dag frá Lómagnúpi og austur um á sunnanverða Austfirði. Austan- og norðaustantil á landinu hvessir enn frekar þegar líður á daginn og meðalvindur verður þar 20-25 m/s með miklum skafrenningi og snjókomu að auki. Á þjóðveginum á milli Reykjavíkur og Akureyrar er útlit fyrir að um hádegi bæti í snjókomuna og einnig lítið eitt í vind. Mjög blint verður um tíma eftir miðjan daginn og fram á kvöld svo sem á Holtavörðuheiði. Vestur á fjörðum nær veðrið hámarki um hádegisbil og fram á nótt. Vindur þó óvíða meiri þar en 15-18 m/s.“

Áætlaðar lokanir vega vegna veðurs

Líkur eru á að Holtavörðuheiði lokist um miðjan dag sem og leiðin yfir Vatnsskarð og Þverárfjall. Þá má búast við að Siglufjarðarvegur lokist einnig er líður á daginn. Einnig má búast við erfiðri færð og akstursskilyrðum í Húnavatnssýslum og í kringum Blönduós.Óvíst er hvort hægt verði að opna langleiðir á Norður- og Austurlandi fyrr en á laugardag, en líklega fyrr á Vestfjörðum. Áætlun verður uppfærð eftir því sem veðri og spám vindur fram.

Suðausturland: Óvíst er hvort unnt verði að opna um Skeiðarársand og Öræfasveit fyrr en um miðjan dag. Lokunarsvæði nær allt austur að Höfn. Suðurland: Lokað er á Hringvegi frá Markarfljóti að Vík og verður athugað með opnun kl. 10. Vestfirðir, Norðurland og Austurland: Mývatns og Möðrudalsöræfi eru lokuð og ólíklegt að þar opnist í dag.

Lokað er um frá Markafljóti að Vík og var í athugun kl. 9. Lokað er frá Skeiðarársandi að Höfn ásamt frá Djúpavogi að Þvottá og á Fagradal. Lokað er um Mývatns- og Möðrudalsöræfi.

Slæm veðurspá víða um land og búist við erfiðri færð