Landbúnaðarháskóli Íslands og Bændasamtök Íslands bjóða til opins fundar á Hvanneyri á morgun, föstudaginn 24. nóvember kl. 14:00 – 16:30 í Ásgarði. Til umræðu verður niðurstaða EFTA dómstólsins sem nýlega féll og snýr að innflutningi á fersku kjöti, eggjum og afurðum úr ógerilsneyddri mjólk frá Evrópu til Íslands og hugsanlega áhrif dómsins. Þann 14. nóvember síðastliðinn úrskurðaði EFTA dómstóllinn að íslenskum yfirvöldum væri óheimilt að banna innflutning á fersku kjöti og eggjum og afurðum úr ógerilsneyddri mjólk frá Evrópu til Íslands. Ljóst er að þessi dómur mun hafa veruleg áhrif á íslenskan landbúnað. Jafnframt er mikilvægt að umræða um þetta mál byggist á faglegum grunni. Því boða LbhÍ og BÍ til opins fundar til að fjalla um niðurstöður dómsins og hugsanleg áhrif hans. Fundurinn er öllum opinn á meðan húsrúm leyfir.

Dagskrá:

14:00 – 14:10 Setning – Sæmundur Sveinsson rektor LbhÍ

14:10 – 14:30 Innflutningur á ferskum landbúnaðarafurðum til Íslands – staðan og horfur – Sigurður Eyþórsson framkvæmdastjóri BÍ

14:30 – 14:50 Innflutningseftirlit – hlutverk MAST og mismunur á eftirliti eftir uppruna innflutnings – Þorvaldur H. Þórðarson framkvæmdastjóri inn- og útflutningsmála hjá MAST

14:50 – 15:10 Kaffihlé

15:10 – 15:30 Smitsjúkdómar sem geta borist með innfluttum ferskum landbúnaðarafurðum – Vilhjálmur Svansson dýralæknir á Tilraunastöð Háskóla Íslands í meinafræðum á Keldum

15:30 – 15:50 Lýðheilsa – áhrif á heilbrigði manna og dýra – Karl G. Kristinsson yfirlæknir Sýklafræðideildar Landspítalans

15:50 – 16:30 Umræður og fyrirspurnir

Opinn fræðslufundur um niðurstöðu EFTA dómstólsins