medium

large

thumbnail

1536x1536

2048x2048

small

custom-size

Hafnarfjall Ultra fjallvegahlaupið tókst með ágætum – myndasyrpa og úrslit

Ágæt stemning á Brákarhátíð og Hinsegin hátíð Vesturlands – myndasyrpa

Fjölbreyttir og ennþá fjölskylduvænni Írskir dagar hefjast í næstu viku

Góð stemning við upphaf Brákarhátíðar og Hinsegin hátíðar Vesturlands – syrpa

Framlög til jöfnunar tónlistarnáms

Góður gangur í lagfæringum Dagverðarneskirkju

core/freeform

Sunnudaginn 19. nóvember verða rétt fimmtíu ár liðin frá vígslu Ólafsvíkurkirkju. Hátíðarguðsþjónusta verður í kirkjunni á sjálfan afmælisdaginn og dagskrá í Klifi að henni lokinni. Ákveðið var strax á síðasta ári að minnast tímamótanna með ýmsum hætti á afmælisárinu. Við hátíðarguðsþjónustuna á sunnudaginn prédikar Agnes M Sigurðardóttir biskup Íslands og sóknarpresturinn séra Óskar Ingi Ingason þjónar fyrir altari ásamt fyrverandi prestum sóknarinnar og prófasti Vesturlandsprófastsdæmis. Við athöfnina spilaði jazztríó og Elena Makeeva organisti og Þór Breiðfjörð sögn. Veronica Osterhammer kórstjóri leiddi kóra Ingjaldshólskirkju og Ólafsvíkurkirkju í söng.

Eftir athöfn verður boðið í hátíðardagskrá í félagsheimilinu Klifi þar sem fjölbreytt dagskrá verður. Þar segir Sturla Böðvarsson meðal annars frá byggingu kirkjunnar, en faðir hans Böðvar Bjarnason var byggingameistari hennar og Sturla sjálfur kom að smíði hennar öll sumur.

&nbsp;

Kennileiti fyrir bæinn

Ólafsvíkurkirkja setur sterkan svip sinn á Ólafsvík og er kennileiti fyrir bæinn. Kirkjan er ein af fyrstu nútímakirkjum landsins og var strax sátt um hana í söfnuðinum. Hún var hönnuð af Hákoni Hertervig og vígð 19. nóvember 1967. Fyrsta skóflustungan var tekin 1961 af Stefáni Kristjánssyni. Byggingameistari var eins og fyrr segir Böðvar Bjarnason frá Böðvarsholti í Staðarsveit. Þegar kirkjan var í byggingu starfaði Sturla Böðvarsson bæjarstjóri í Stykkishólmi með föður sínum við framkvæmdina. Þegar fagnað var 40 ára afmæli kirkjunnar fyrir tíu árum rifjaði Sturla í viðtali við blaðamann Skessuhorns upp minningar tengdar kirkjubyggingunni, sem hann segir hafa verið ánægjulegan tíma.

„Ég byrjaði að vinna við smíðina með pabba þegar ég var sextán ára gamall og var við bygginguna meira og minna á sumrin þar til henni var lokið, allt frá því að vinna á loftpressu til þess að setja krossinn á turninn og hengja upp altaristöfluna. Ólafsvíkurkirkja er flókin bygging og faðir minn var vakinn og sofinn yfir þessu verkefni. Ég var að læra húsasmíði hjá honum á þessum árum og fór síðar í byggingatæknifræði eftir það. Þegar kom að því að vígja kirkjuna vorum við Hallgerður Gunnarsdóttir farin að búa. Okkur þótti tilvalið að standa aðeins upp frá skólabókunum í Reykjavík, skreppa vestur og láta gifta okkur og skíra elsta barn okkar, Gunnar, í leiðinni. Þannig vildi það til að hjónaband okkar er jafngamalt kirkjunni. Þessi dagur, þ.e. 19. nóvember er helgur dagur í okkar fjölskyldu bæði af þessu og vegna fleiri atburða. Og svo hefur hjónaband okkar Hallgerðar verið gott og farsælt þannig að yfir öllu þessu er mikil blessun,” sagði Sturla í viðtali sem birtist í Skessuhorni fyrir réttum tíu árum.

Ólafsvíkurkirkja fimmtíu ára