medium

thumbnail

small

custom-size

Óður til Írlands sunginn í kvöld

large

1536x1536

2048x2048

Meint varasjóðsframlag hefur ekki skilað sér til Vegagerðarinnar

Fjöldi Íslendinga á byrjunarleik Íslands móti Finnlandi

Fjórðungsmót hestamanna hafið í Borgarnesi

Gera út á gluggaþvott og garðslátt

Eigendaskipti að Blikksmiðju Guðmundar á Akranesi

core/freeform

Umhverfisviðurkenningar Borgarbyggðar voru veittar á Sauðamessu sem haldin var í Borgarnesi síðastliðinn laugardag. Gunnlaugur A Júlíusson sveitarstjóri veitti viðurkenningarnar í Skallagrímsgarði.

Traðir í Hraunhreppi hlutu viðurkenningu sem snyrtilegasta bændabýlið 2017. Í rökstuðningi með dómnum segir að þar sé einstaklega snyrtilegt heim að líta, mikil áhersla lögð á að halda öllum mannvirkjum vel við og umgengni til mikillar fyrirmyndar.

Viðurkenning fyrir snyrtilegustu lóð við íbúðarhús veittist Svövu Finnsdóttur á Bóndhóli. „Aldingarðurinn umhverfis hús Svövu Finnsdóttur í Bóndhól er einstakur og ótrúlegt verk einnar manneskju en þennan garð hefur hún verið með í ræktun í aðeins í 22 ár, eða frá 1995. Fjölbreytni trjáa og jurta er þar mikil og þar er að finna fágætar og verðmætar plöntur. Umhirða garðsins er einstök, natni og fagmennska mikil,“ segir meðal annars í rökstuðningi.

Lóð Kaupfélags Borgfirðinga var valin snyrtilegasta lóð við atvinnuhúsnæði. Umhirða gróðursvæða er þar til mikillar fyrirmyndar og aðkoma og ásýnd mjög snyrtileg, að því er segir í rökstuðningi.

Að lokum fékk Landámssetur Íslands sérstök umhverfisverðlaun Umhverfis-, skipulags- og byggingarnefndar. „Landnámssetrið hefur að leiðarljósi að vera til fyrirmyndar í umhverfismálum og leitast við að hafa jákvæð áhrif á umhverfi og samfélag í ákvarðanatöku og þjónustu,“ segir í rökstuðningi. Fyrirtækið leggur áherslu á flokkun úrgangs og tekur tillit til umhverfissjónarmiða í allri starfseminni, til dæmis við val á birgjum og tegundum umbúða.

Umhverfisviðurkenningar Borgarbyggðar 2017