medium

large

thumbnail

1536x1536

2048x2048

small

custom-size

Önnur prentun af bókinni um Fornahvamm

Gáfu skólanum hátalara

„Nú reynir á að halda áfram að taka réttu skrefin“

Íbúafundir um Gott að eldast voru haldnir á Vesturlandi

Mæla blóðsykur og selja happdrættismiða í Borgarnesi

Skilaboðin eru einföld – við gerum það sem við segjum

core/freeform

Í morgun hófu landeigendur að Hraunsási II í Hálsasveit innheimtu bílastæðagjalds við Hraunfossa í Borgarfirði. Eins og fram kom í fréttum Skessuhorns í sumar ætluðu landeigendur að hefja gjaldtökuna 1. júlí síðastliðinn en frá því var horfið enda var og er slík innheimta talin stangast á við náttúruverndarlög. Gjaldtaka inn á friðlýst svæði krefst leyfis hlutaðeigandi stofnunar, sem er Umhverfisstofnun, og hyggst stofnunin ekki ljá því máls að þarna verði innheimt bílastæðagjöld. Í morgun hafði verið sett upp skilti við afleggjarann inn á svæðið og starfsmaður frá landeigendum rukkaði ferðafólk um bílastæðagjald frá 1500 krónum fyrir fólksbíl og upp í 6000 krónur fyrir rútur. Í verðlista sem dreift var í morgun í bíla sem komu inn á svæðið segir að nánari upplýsingar megi fá með að senda tölvupóst á <a href="mailto:parking.iceland@gmail.com">parking.iceland@gmail.com</a>. Ekki eru gefnar upp nákvæmari upplýsingar um hverjir standa á bakvið hina meintu ólöglegu gjaldtöku. Skessuhorn hefur sent fyrirspurn á fyrrgreint netfang en ekki fengið svar.

Eins og kom fram í frétt Skessuhorns í lok júní í sumar er markmiðið með gjaldtökunni, að sögn landeigenda, að bæta aðstöðu á bílastæðum. Fram til þessa hafa þeir ekkert fjármagn lagt í framkvæmdir við bílastæðin sem alla tíða hafa verið kostuð af Vegagerð og Umhverfisstofnun. Eigendur jarðarhlutans Hrausáss II eru þrír þekktir fjárfestar sem víða hafa komið við í viðskiptalífinu á liðnum árum. Þetta eru þeir Lárus Blöndal hrl. og forseti ÍSÍ, Guðmundur A Birgisson sem kenndur er við Núpa í Ölfusi ásamt Aðalsteini Karlssyni. Þremenningarnir keyptu Hraunsás II fyrir nokkrum árum og liggur þessi hluti jarðarinnar að fossunum og nær m.a. yfir um 90% af núverandi bílastæðum. Nokkur bílastæði eru í eigu annarra og leigð af núverandi veitingaaðilum við fossana.

Snorri Jóhannesson er eigandi veitingastaðar á svæðinu og jafnframt umráðamaður lands við fossana. Snorri vill að það komi skýrt fram að gjaldtaka þessi er ekki á hans vegum og þar að auki í algjörri óþökk hans. Snorri segir lítinn vafa leika á að gjaldheimta þarna standist ekki lög. Hann hafi í morgun kært gjaldtökuna til lögreglu og haft samband við Vegagerðina, sem brást skjótt við, fór á staðinn og tók niður skilti sem upplýsti um að bílastæðin væru gjaldskyld. "Ég mótmæli því algjörlega að einhver stöðvi bíla sem leið eiga inn á mitt atvinnu- og umráðasvæði," sagði Snorri í samtali við Skessuhorn.

[caption id="attachment_18729" align="alignnone" width="600"]<img class="wp-image-18729 size-medium" src="http://skessuhorn.wpengine.com/wp-content/uploads/2017/10/Hefja-meinta-ólöglega-skattheimtu-á-bílastæði-við-Hraunfossa-600x414.jpg" width="600" height="414" /> Þessar upplýsingar fengu gestir sem í morgun mættu á bílastæðið við Hraunfossa.[/caption]

[caption id="attachment_18730" align="alignnone" width="600"]<img class="wp-image-18730 size-medium" src="http://skessuhorn.wpengine.com/wp-content/uploads/2017/10/Hefja-meinta-ólöglega-skattheimtu-á-bílastæði-við-Hraunfossa_3-600x399.jpg" width="600" height="399" /> Stærri hópferðabílar eru rukkaðir um 6000 krónur.[/caption]

[caption id="attachment_18731" align="alignnone" width="600"]<img class="wp-image-18731 size-medium" src="http://skessuhorn.wpengine.com/wp-content/uploads/2017/10/Hefja-meinta-ólöglega-skattheimtu-á-bílastæði-við-Hraunfossa_4-600x441.jpg" width="600" height="441" /> Þessu skilti var komið upp í morgun og fest á upplýsingaskilti Vegagerðarinnar. Það hefur nú verið fjarlægt.[/caption]

Hófu í morgun meinta ólöglega gjaldheimtu á bílastæði