medium

thumbnail

small

custom-size

Forsetahjónin væntanleg í heimsókn á Akranes

large

1536x1536

2048x2048

Starfsmannafélag Slökkviliðs Grundarfjarðar gefur eldvarnarkerfi

Góðir gestir í heimsókn í Grundaskóla

Skagamenn með tap á móti Hamri

Kaupfélagið bauð til veislu

Báðir ökumenn gengu út úr sínum bílum

core/freeform

Kaupfélag Skagfirðinga sendi í liðinni viku sauðfjárbændum sem leggja inn hjá KS og SKVH bréf þar sem fram kemur að félagið muni greiða 13% viðbótarálag á það verð sem gefið var út í upphafi sláturtíðar. Bændablaðið fjallar um bréfið í frétt á vefsíðu þess á föstudaginn. Í því fer Ágúst Andrésson forstöðumaður Kjötafurðastöðvar KS yfir sviðið og rekstrarhorfur fram undan. „Greitt verður fyrir innlegg í september og október samkvæmt áður útgefinni verðskrá, en 13% viðbótarverð verður greitt til sauðfjárbænda 20. nóvember nk. Þetta er meðal annars gert á grundvelli heldur betri rekstrarhorfa en lagt var upp með í sumar. Þar má nefna að gengi erlendra gjaldmiðla (evru) virðist ætla að verða heldur hagstæðara en á síðustu verðtíð,“ skrifaði Ágúst en hann væntir þess að kostnaður af útflutningi dilkakjöts jafnist betur milli sláturleyfishafa en á síðasta framleiðslutímabili. Í ljósi þess að aðstoð ríkisvaldsins við sauðfjárbændur er óljós vegna stjórnarslita séu sauðfjárbændur í miklum vanda.

Ágúst segir að stór hluti útflutnings lambakjöts sé á hendi KS og sláturhússins á Hvammstanga. „Markaðsátakið sem skilaði 857 tonna útflutningi með ærnum kostnaði fyrir sláturleyfishafa, var að stærstum hluta borið uppi af sláturhúsunum á Sauðárkróki og Hvammstanga (2/3hlutar). Því er ljóst að KS og SKVH báru stærstan hluta kostnaðar sláturleyfishafa af þessu útflutningsátaki.“ Heildarútflutningur dilkakjöts á síðasta verðlagsári var 2.693 tonn alls. Af því flutti KS út 1.018 tonn og Hvammstangi 620 tonn. Þessi tvö sláturhús voru því með yfir 60% heildarútflutnings dilkakjöts.

Í bréfinu frá Kaupfélagi Skagfirðinga kemur fram að því miður séu ýmsir þættir enn neikvæðir og þar er nefnt lágt verð á gærum, útflutningur á hliðarafurðum til Asíu og gengisskráning krónunnar sem sé mjög óhagstæð í sögulegu samhengi. „Kaupfélag Skagfirðinga lýsir sig reiðubúið til áframhaldandi góðs samstarfs við aðra sláturleyfishafa, Félag sauðfjárbænda og stjórnvöld um lausn þess mikla vanda er við er að fást. Öll vonum við að fyrr en síðar rætist úr og þetta séu tímabundnir erfiðleikar,“ segir Ágúst í bréfinu og segir jafnframt óhjákvæmilegt að draga úr framleiðslu og koma upp betra kerfi til að geta stjórnað framleiðslumagni í takt við horfur á mörkuðum hverju sinni. „Mikilvægt er að hið opinbera styðji áframhaldandi átaksverkefni í útflutningi dilkakjöts. Það skilar mestum árangri við þessar aðstæður.“

Kaupfélag Skagfirðinga hyggst greiða 13% viðbótarálag til sauðfjárbænda