Hin árlega Ólafsdalshátíð fer fram næstkomandi laugardag við Gilsfjörð. Dagskrá hátíðarinnar er vegleg og boðið upp á ókeypis aðgang og afþreyingu fyrir alla fjölskylduna frá hádegi til kvölds. Í tilkynningu frá forsvarmönnum hátíðarinnar kemur fram að dagskráin er eftirfarandi: Dagskrá Ólafsdalshátíðar 2017

12.00: Gönguferð um minjastaði í Ólafsdal. Hafa nú fundist þar víkingaaldarminjar? Leiðsögumaður: Birna Lárusdóttir fornleifafræðingur hjá Fornleifastofnun Íslands. Mæting kl. 11.45.

13.00: Sala á miðum í Ólafsdalshappdrættinu hefst. Miðaverð 500 kr. Tuttugu glæsilegir vinningar en fyrsti vinningur er gjafabréf frá Icelandair að verðmæti 100.000 kr.

13.00: Ólafsdalsmarkaður, grænmeti og sýningar í skólahúsinu: Lífrænt vottað Ólafsdalsgrænmeti og annað grænmeti, Erpsstaðaís, kræklingur frá Nesskel. Fjölbreyttur matar- og handverksmarkaður. Ólafsdalsskólinn 1880-1907: fastasýning á 1. hæð, Konurnar í Ólafsdal: sýning á 2. hæð, Fræðslumyndband um Ólafsdal á 2. hæð.

14.00: HÁTÍÐARDAGSKRÁ

Þórdís Kolbrún Reykfjörð Gylfadóttir ferðamálaráðherra flytur ávarp.

Snillingurinn síungi Laddi (Þórhallur Sigurðsson) með 30 mínútna skemmtidagskrá. Afbragð fyrir tárakirtlana og hláturtaugarnar.

Fornleifar og menningarlandslag í Ólafsdal. Birna Lárusdóttir, fornleifafræðingur.

Valdimar Guðmundsson, söngvarinn góðkunni. Undirleikari Örn Eldjárn.

Félagar í Harmonikkufélaginu Nikkólínu í Dalabyggð leika fjölbreytt lög.

Félagar í Leikhópnum Lottu skemmta börnum á öllum aldri.

Kynnir: Halla S. Steinólfsdóttir, bóndi í Ytri-Fagradal.

17.00: Dregið í Ólafsdalshappdrættinu.

Hestar teymdir undir börnum.

Kvenfélagskonur með kleinur, flatkökur og pönnukökur á sanngjörnu verði.

ATH: netsamband er stopult í Ólafsdal og því er gestum ráðlagt að hafa með sér lausafé til að versla og taka þátt í happdrætti.

Vinningaskrá í happdrætti:

Ólafsdalshappdrættið_vinningar_2017

Dagskrá Ólafsdalshátíðar á laugardaginn