Handverkshátíð á Hrafnagili í Eyjafirði hefur fyrir margt löngu skapað sér sess í hugum landsmanna sem vettvangur þar sem handverksfólk víðs vegar að af landinu kemur saman. Hátíðin fer fram um næstu helgi og er þema hennar að þessu sinni tré. „Við munum gera okkar ástkæra tré hátt undir höfði og höldum hátíð trésins. Sænski heimilisiðnaðarráðunauturinn Knut Östgård ætlar að heiðra okkur með nærveru sinni. Hann verður einn af sýnendum hátíðarinnar auk þess sem hann mun halda námskeið og fyrirlestra,“ segir í tilkynningu.

„Það er okkur einnig sannur heiður að kynna til íslensku sögunnar sænska farandsýningu sem ber nafnið UR BJÖRK, eða Úr birki. Að sýningunni standa 22 handverksmenn og –konur sem skiptu á milli sín heilu birkitré og fengu það hlutverk að nýta allt efnið með frjálsum huga og höndum. Knut er einn af aðstandendum sýningarinnar og segist hafa lengi dreymt um að vinna verkefni eins og þetta. Nú er það orðið að veruleika og sýningin komin í heimsókn alla leið til Íslands og alla leið á Hrafngil í Eyjafjarðarsveit. Það tók hópinn 6 mánuði að vinna alla þessa muni og það skal tekið fram að allt var nýtt af þessu tiltekna tré. Birkitréð var 25 metra hátt, 30 cm. í þvermál og afraksturinn 400 hlutir. Verðmætaaukning er ótvíræð þegar nytjalist er unnin úr tré og UR BJÖRK virkilega falleg og stórbrotin sýning sem enginn ætti að láta framhjá sér fara.“

Nánari upplýsingar á www.handverkshatid.is

Handverkshátíð í kvartöld í Eyjafjarðarsveit