Réttardagar í Borgarbyggð hafa nú verið ákveðnir og birtir á heimasíðu sveitarfélagsins. Sem kunnugt er var á vormánuðum ákveðið að flýta réttum víða í sveitarfélaginu um eina viku, eins og reyndar víðar á landinu. Þar með er rofin áratuga og sums staðar aldagömul hefð um réttardaga í sveitarfélaginu. Er þetta gert til að koma til móts við beiðni sláturleyfishafa um að fá fé fyrr til slátrunar í haust.

Réttardagar í Borgarbyggð á hausti komanda fara hér á eftir. Dag- og tímasetningar eru fengnar af vef sveitarfélagsins.

	Fyrri réttir	Seinni réttir	Þriðju réttir
Oddsstaðarétt	6. september kl. 9:00	1. október
Rauðsgilsrétt	17. september kl. 10:00	1. október
Fljótstungurétt	9. og 10. september	23. september
Nesmelsrétt	2. september
Þverárrétt	11. september kl. 7:00	25. september	2. október
Brekkurétt	10. september kl. 10:00	24. september
Svignaskarðsrétt	11. september kl. 10:00	25. september	2. október
Grímsstaðarétt	12. september kl. 10:00	25. september	2. október
Hítardalsrétt	11. september kl. 9:00	24. september	2. október
Kaldárbakkarétt	3. september kl. 11:00
Mýrdalsrétt	12. september kl. 16:00	8. október