Ryder Hesjedal er einn þekktasti hjólreiðamaður heims. Meðal annars er hann sigurvegari Giro D’Italia 2012. Kappinn kom til Íslands í síðustu viku og mun verða hér á landi í rúma viku. Í ferðinni dvelur hann m.a. á Hótel Húsafelli. Ástæðan fyrir komu hans til landsins er þátttaka í KIA Gullhringnum sem hjólaður verður frá Laugarvatni laugardaginn 8. júlí nk. Keppnin er nú hjóluð í sjötta sinn. Ryder stefnir auk þess á að hjóla í kringum Landmannalaugar og svo er stefnan tekin á að verða einn af fáum til að hjóla inn í Ísgöngunum í Langjökli.

“Ég kom til Íslands örstutt eða einn dag í lok apríl og hjólaði með Hafsteini Ægi keppnismanni og það var gaman. Fjöldi góðra manna tók á móti mér og við áttum frábæran dag. Seinna bauðst mér að koma að taka þátt í Kia Gullhringnum og ég ákvað að slá til. Ég lýt á það sem skyldu mína sem afreksmanni í greininni að ferðast um heiminn og vekja athygli á þessari frábæru íþrótt.”

Ryder Hesjedal á langan feril að baki en hann hætti atvinnumennsku eftir áralangan farsælan feril í fyrra. Hann hjólaði meðal annars með hinu goðsagnakennda US Postal Service liði Lance Armstrong í upphafi síns ferils. Síðan hjólaði hann með liðum eins og Garmin Sharp og Garmin Cannondale og nú síðast Trek Segafredo. Þannig kláraði hann fjölda Tour De France keppna, Giro D’Itali og Vuelta a España keppna. þessum liðum hjólaði hann með goðsögnum eins Lance Armstrong, George Hincapie, Christian Vande Velte á fyrri hluta ferils síns og seinna í TREK Segafredo með þeim Fabian Cancelara og Frank Schleck en allir þrír hætti atvinnumennsku í fyrra með því liði. Nokkuð goðsagnakenndur hópur þar á ferð og það þurfti engan annan en Alberto Condator til fylla það skarð hjá TREK og fyrir þá sem ekki fylgjast með hjólreiðum er hægt að segja að Candator sé Ronaldo hjólreiðanna í dag.

Mesti sigur Ryder Hesjedal af öllum hans sigrum, var lokaspretturinn hans á dagleið 14 í Vuelta a España, sem er þriðja systirin í stóru keppnunum. Þetta var árið 2014 og lokaspretturinn þar er eitthvað það magnaðasta sem sést hefur í heimi hjólreiðanna. Þar skaust hann upp 19% halla á lokasprettinum og skildi alla helstu hjólreiðakappa heims í dag eftir með tárin í augunum. Þar á meðal Chris Froome, Alberto Contador og Alejandro Valverde, sem sáu hann ekki einu sinni fara yfir marklínuna.

Giro D’Italia er nokkurskonar litla systir Tour De France hún er önnur þekktasta og erfiðasta hjólreiðakeppni heims. Hjólað er í tuttugu og einn dag um alla Ítalíu og þá eru alparnir engin undantekning. Stóru keppnirnar í heiminum eru þrjár: Tour de France, Giro d’Italia og Vuelta a España en þær gefa keppendum UCI lang flest stig. Giro d’Italia eða Tour of Italy eins og hún er kölluð á ensku er alla jafna keppni upp á tuttugu og eina dagleið. Það fer því bróður partur maí mánaðar keppenda í verkefnið og er hún því á engan hátt minna verkefni en Tour De France þó sú síðarnefnda sé þekktari hjá þeim sem standa utan hjólreiða. Ryder Hesjedal sigraði Ítalíu keppnina eins og áður hefur komið fram árið 2012.

Sigurvegarar Giro D’Italia klæðast bleikri treyju sambærilegt þeirri gulu sem sigurvegarar Tour De France. Treyjan er kölluð “Maglia Rosa” og hafa ekki minni hönnuðir en Dolce & Gabbana og Paul Smith sem hannað hafa útlit hennar í gegnum tíðina.

Giro er fyrsta af stóru keppnunum á árinu og er hjóluð bróður part maí mánaðar og í dag, þegar þetta er sent út er verið að hjóla dagleið númer 16 Giro sem ber nafnið “Rovetta Bormiro” en keppnin fer fram í maí svo tekur Spánar keppnin við og svo er það Tour De France.

Nánar er fjallað um ferð Ryders hingað til lands í hjólreiðatímaritinu Pedölum sem kom út fyrir helgina.

Draumurinn að hjóla í ísgöngunum í Langjökli