Freyr Alexandersson, landsliðsþjálfari Íslands í knattspyrnu, var að ljúka við að kynna lokahópinn sem fer á Evrópumót kvenna í sumar. Mótið hefst 16. júlí og fyrsti leikur Íslands er 18. júlí gegn Frakklandi. Leikið verður í Hollandi og er Ísland í sterkum riðli með Austurríki, Sviss auk Frakklands. Þetta er í þriðja sinn í röð sem íslenska kvennalandsliðið kemst á EM.

Einn Vestlendingur er í hópnum en það er Skagamaðurinn Hallbera Guðný Gísladóttir sem nú leikur með Breiðabliki í Pepsideild kvenna. Hallbera er ein af reynslumestu leikmönnum íslenska landsliðsins með 84 landsleiki en hún spilaði einnig á EM í Svíþjóð fyrir fjórum árum.

Hópurinn í heild er svona skipaður:

Guðbjörg Gunnarsdóttir
Sif Atladóttir
Ingibjörg Sigurðardóttir
Glódís Perla Viggósdóttir
Gunnhildur Yrsa Jónsdóttir
Hólmfríður Magnúsdóttir
Sara Björk Gunnarsdóttir fyrirliði
Sigríður Lára Garðarsdóttir
Katrín Ásbjörnsdóttir
Dagný Brynjarsdóttir
Hallbera Guðný Gísladóttir
Sandra Sigurðardóttir
Sonný Lára Þráinsdóttir
Málfríður Erna Sigurðardóttir
Elín Metta Jensen
Harpa Þorsteinsdóttir
Agla María Albertsdóttir
Sandra María Jessen
Anna Björk Kristjánsdóttir
Berglind Björg Þorvaldsdóttir
Arna Sif Ásgrímsdóttir
Rakel Hönnudóttir
Fanndís Friðriksdóttir.

Hallbera Guðný á leið á sitt annað stórmót