“Því fylgir vissulega mikill spenningur að taka við nýju og glæsilegu skipi. Þótt Sturlaugur H. Böðvarsson AK sé mjög gott skip, og hafi reynst HB Granda vel, þá er því ekki að leyna að það er komið til ára sinna,“ segir Eiríkur Jónsson, skipstjóri á Sturlaugi, en hann tekur í dag við skipstjórn á Akurey AK sem verið hefur í smíðum í Tyrklandi. Skipið er annað af þremur í raðsmíðaverkefni í Tyrklandi fyrir HB Granda. Systurskipið Engey RE er nú tilbúið til veiða eftir að ýmiss búnaður var settur um borð í skipið á Akranesi. Eiríkur og nokkrir skipverja fóru utan til Tyrklands undir lok síðustu viku til að sigla Akurey heim til Íslands. Þar ytra beið Siguróli Sigurðsson, yfirvélstjóri á Sturlaugi, og mun hann sigla skipinu heim ásamt Eiríki og öðrum félögum þeirra. Stefnt er að því að taka olíu í dag og hefja heimsiglinguna í kvöld, ef áætlanir ganga eftir.

Meðfylgjandi myndbrot er frá Tyrklandi fyrr í vikunni.

on her way to iceland

Опубліковано Volkan Urun 7 червня 2017 р.

Siglt af stað frá Tyrklandi í kvöld – myndband