Knattspyrnudeild Víkings Ólafsvíkur samdi í gær við tvo leikmenn um að leika með liðinu í Pepsi deild karla í sumar. Það eru miðjumennirnir Kwame Quee og Eric Kwakwa.

Kwame er sókndjarfur miðjumaður frá Síerra-Leóne, fæddur árið 1996 og leikur með FC Johansen í heimalandinu. Þrátt fyrir ungan aldur á hann að baki tólf landsleiki fyrir Síerra-Leóne. Kwame verður hjá Víkingum á lánssamningi út sumarið.

Eric er varnarsinnaður miðjumaður frá Gana, fæddur árið 1994 og leikur með Mediama SC í þar í landi. Hann kemur sömuleiðis til Víkings á láni út sumarið.

: Eric Kwakwa.

Víkingur Ó. semur við tvo miðjumenn