Körfuknattleikstímabilið 2016-2017 var gert upp á lokahófi KKÍ sem haldið var í dag. Voru veitt ýmis einstaklingsverðlaun leikmanna, þjálfara og dómara auk þess sem valið var í úrvalslið tveggja efstu deilda karla og kvenna. Það eru fyrirliðar liðanna, þjálfarar og formenn sem kjósa ásamt nokkrum sérfræðingum.

Vestlendingar áttu sína fulltrúa. Berglind Gunnarsdóttir úr Snæfelli og Sigrún Sjöfn Ámundadóttir úr Skallagrími voru valdar í úrvalslið Domino‘s deildar kvenna. Ásamt þeim er úrvalsliðið skiptað Rögnu Margréti Brynjarsdóttur úr Stjörnunni og Keflvíkingunum Emelíu Ósk Gunnarsdóttur og Thelmu Dís Ágústsdóttur.

Íslandsmeistarar Keflavíkur sópuðu til sín einstaklingsverðlaunum Domino‘s deildar kvenna. Thelma Dís var valin besti leikmaðurinn, Sverrir Þór Sverrisson besti þjálfarinn, Birna Benónýsdóttir besti ungi leikmaðurinn, Ariana Moorer besti erlendi leikmaðurinn og Salbjörg Sævarsdóttir besti varnarmaðurinn og prúðasti leikmaðurinn.

Hlynur besti varnarmaðurinn

Grundfirðingurinn Hlynur Bæringsson, sem leikur með Stjörnunni, var valinn besti varnarmaður Domino‘s deildar karla. Hann á sæti í úrvalsliði deildarinnar ásamt þeim Matthíasi Orra Sigurðarsyni úr ÍR, Loga Gunnarssyni úr Njarðvík, Ólafi Ólafssyni úr Grindavík og Jóni Arnóri Stefánssyni sem var valinn besti leikmaðurinn.

Jóhann Þór Ólafsson, þjálfari Grindavíkur, var valinn bestur þjálfara, Þórir Guðmundur Þorbjarnarson besti ungi leikmaðurinn, Amir Stevens besti erlendi leikmaðurinn og Tryggvi Hlinason prúðasti leikmaður deildarinnar.

Nánar má lesa um útnefningarnar á heimasíðu KKÍ.

Vestlendingar valdir í úrvalsliðin