Athygli er vakin á því að í Skessuhorni vikunnar eru óvenjulega margar auglýsingar um laus störf. Þau eru af ýmsum toga og vítt og breitt um landshlutann. Eftirtalin störf eru meðal þeirra sem í boði er:

Við Laugargerðisskóla á Snæfellsnesi er fullt starf kennara, 80% staða leikskólakennara og hlutastarf við tónmenntakennslu í boði.
Hjá Grundarfjarðarbæ er starf aðalbókara laust til umsóknar.
Tímabundið skrifstofustarf er í boði hjá Stéttarfélagi Vesturlands í Borgarnesi.
Umhverfisstofnun auglýsir starf sérfræðings í náttúruvernd í Þjóðagarðinum Snæfellsjökli.
Akraneskaupstaður auglýsir ýmis störf á stofnunum bæjarins, meðal annars í Grundaskóla, Brekkubæjarskóla, leikskólunum Teigaseli, Akraseli og Vallarseli auk þess sem auglýst eru störf við Vinnuskólann.
Hvalfjarðarsveit leitar að skrifstofustjóra.
Í golfskála Golfklúbbs Borgarness er auglýst starf við matseld og afgreiðslu.
Fyrirtækið Ljósleiðarinn auglýsir starf rafvirkja.
Landsvirkjum auglýsir sumarstörf við landhreinsun.
Þörungaverksmiðjan á Reykhólum auglýsir verksmiðjustörf laus til umsóknar
Við Dvalarheimilið í Stykkishólmi er laust starf við aðhlynningu auk þess sem hlutastarf við matseld er laust.
Loks er eitt óvenjulegasta starfið sem í boði er hjá Búnaðarsamtökum Vesturlands. Starfsmann vantar við klaufskurð á kúm.

Þeim sem eru í atvinnuleit er bent á að allar nánari upplýsingar um þessi störf er að finna í Skessuhorni vikunnar.

Fjöldi starfa í boði á Vesturlandi – allt frá klaufskurði til kennara