Á Vesturlandi er greiðfært á láglendi en hálka eða hálkublettir á fjallvegum. Þegar þessi orð eru rituð er hált á Bröttubrekku og hált eða hálkublettir í Dölum. Hálkublettir eru sömuleiðis á Skógarströnd, Heydal og Laxárdalsheiði. Greiðfært er víðast hvar í Reykhólasveit, að frátöldum hálkublettum á Hjallahálsi og hálku á Klettshálsi. Hálka er á Arnkötludalsvegi um Þröskulda.

Vegna hættu á slitlagsskemmdum eru þungatakmarkanir á köflum bæði á Vesturlandi og Vestfjörðum. Víðast hvar er um að ræða 10 tonna ásþungatakmarkanir.

Borgarfjarðarbrú

Hlé er gert á vinnu við Borgarfjarðarbrú um páskana og verða báðar akreinar opnar til 23. apríl næstkomandi. Framkvæmdum er ekki lokið og vill Vegagerðin ítreka að akreinar eru ekki í fullri vegbreidd. Umferðarstýring verður á gulu blikki og hraði takmarkaður við 30 km/klst. Vinna hefst að nýju mánudaginn 24. apríl.

Aðrir landshlutar

Vetrarfærð og skafrenningur er á flestum fjallvegum á Vestfjörðum en hálkublettir eða greiðfært á láglendi. Búið er að opna veginn yfir Hrafnseyrar- og Dynjandisheiði og þar er snjóþekja og skafrenningur. Einnig er búið að opna norður í Árneshrepp en þar nokkuð mikill skafrenningur og hætta á að færð versni seinna í dag.

Hálkublettir eða hálka eru á nokkrum köflum á Norðurlandi vestra en á Norðausturlandi er hálka, hálkublettir eða snjóþekja á vegum.

Á Austurlandi er víðast hvar snjóþekja eða hálka. Þungfært er á Vatnsskarði eystra en unnið að hreinsun. Ófært er á Breiðdalsheiði og Öxi. Vattarnesskriður eru einnig ófærar.

Vegir eru greiðfærir á Suðurlandi en hálka er með suðausturströndinni að Höfn en greiðfært þar fyrir sunnan.

Víðast greiðfært á láglendi