Fjórði leikur undanúrslitaviðureignar Skallagríms og Keflavíkur fer fram í Borgarnesi í kvöld. Keflavík leiðir viðureignina 2-1 og Skallagrímskonur því komnar með bakið upp við vegg. Þrjá sigra þarf til að komast áfram og því er að duga eða drepast fyrir Skallagrím í leiknum í kvöld.

Körfuknattleiksdeild Skallagríms hvetur Borgnesinga til að fjölmenna á völlinn, hvetja liðið til dáða og styðja það til að knýja fram oddaleik í undanúrslitunum. „Þessi rimma er langt frá því að vera búin. Fjölmennum í Fjósið og styðjum okkar lið. Áfram Skallagrímur!“ er ritað á Facebook-síðu körfuknattleiksdeildarinnar. Leikurinn hefst kl. 19:15.

Meðfylgjandi myndband var birt á Facebook-síðu kkd. Skallagríms til að vekja athygli á leiknum og hvetja fólk til að mæta í „Fjósið“ og styðja Skallagrím í baráttunni.

Ætlar þú ekki örugglega í "FJÓSIÐ" mánudagskvöldið 10. apríl kl. 19:15?SKALLAGRÍMUR – Keflavík í undanúrslitum Íslandsmótsins. Stelpurnar þurfa þinn stuðning! ÁFRAM SKALLAGRÍMUR!Fyllum "FJÓSIÐ" – Deilið/Share áfram

‎Posted by Kvennakarfa Skallagríms on‎ שבת 8 אפריל 2017

Að duga eða drepast fyrir Skallagrím