medium

large

thumbnail

1536x1536

2048x2048

small

custom-size

Harmonía-Samhljómur tónlistarfræðslu hlýtur styrk úr Lóu

Öllum tilboðum hafnað í hafnarframkvæmdir í Ólafsvík

„Fjórðungsmótið verður frábært“

Byggingarframkvæmdir að hefjast á Kirkjubraut 39

Spilar á Hang hljóðfæri í Hallgrímskirkju

Víðsýni er verðmæt náttúruauðlind

core/freeform

Sigurður Yngvi Kristinsson, prófessor í blóðsjúkdómum við Háskóla Íslands, telur að mergæxli séu algengir meðal íbúa á Akranesi en annars staðar. Mergæxli er krabbamein í beinmerg og er meinið skylt hvítblæði. Á síðasta ári var í Skessuhorni ítarlega greint frá viðamikilli rannsókn á vegum HÍ undir stjórn Sigurðar. Rannsóknir bar heitið Blóðskimun til bjargar og þar var leitað samþykkis og blóðsýna frá öllum íbúum landsins fæddum 1975 eða fyrr. Tilgangur rannsóknarinnar er að skilja orsakir mergæxlis og forstig sjúkdómsins.Rannsóknin hófst formlega í nóvember en til að prufukeyra ferlið var eitt bæjarfélag valið þar sem skimað var fyrir mergæxli áður en skimunin hófst á landsvísu. Þar varð Akranes fyrir valinu.

Fyrstu niðurstöður rannsóknarinnar benda til þess að 5,2 prósent landsmanna séu með mergæxli á byrjunarstigi án þess að hafa vitneskju þar um. Er það ögn hærra hlutfall en í nágrannalöndunum. Sigurður telur að mergæxli séu algengari meðal íbúa Akraness en annarra landsmanna. „Það er tilfinning okkar, og við höfum tekið eftir því á blóðsjúkdómadeild Landspítalans, að það er meira af mergæxlum hjá Skagamönnum heldur en öðrum,“ segir Sigurður í samtali við RÚV. Hann segir að með rannsókninni á landsvísu verði hægt að staðfesta þann grun. „Það sem við þá getum gert með þessari rannsókn er að greina hvers vegna það er. Ef við náum að staðfesta það með þessari skimun, að forstig mergæxlis og meræxli séu algengari á Akranesi en annars staðar þá getum við grafið enn frekar ofan í það hvers vegna það er. Tengist það kannski stóriðjunni eins og álveri eða sementsverksmiðju, eða er eitthvað allt annað í gangi þar sem mögulega skýrir þetta?“ segir hann.

Slík rannsókn er að sögn Sigurðar fyrirhuguð á næstunni og verður sú þýðingarmikil, þar sem hún getur ef til vill varpað ljósi á samhengi erfða og umhverfisþátta þegar kemur að sjúkdómnum. Rannsóknin verður framkvæmd me ðstyrk frá alþjóðlegum krabbameinssamtökum International Myeloma Foundation. „Þau eru gríðarlega áhugasöm um þetta og hafa komið í heimsókn til okkar þrisvar sinnum síðan að við fengum styrkinn og í eitt skiptið fóru þau sérstaklega upp á Akranes til þess að skoða þetta. Þau eru mjög áhugasöm um einmitt umhverfisþætti sem áhættuþætti fyrir sjúkdóminn,“ segir hann.

Sigurður segir blóðskimunarrannsóknina hafa vakið athygli Akurnesinga og að margir þeirra hafi kynnst sjúkdómnum af eigin raun. „Það hafa fleiri Skagamenn greinst með þennan sjúkdóm undanfarið og svo þekkja margir þetta forstig sjúkdómsins í gegnum þetta átak okkar; Blóðskimun til bjargar. Skagamenn kannast vissulega við sjúkdóminn.“

Telur mergæxli algengari á Akranesi en annars staðar