Fyrirtækin Skaginn, 3X Technology og Þorgeir & Ellert verða hér eftir þekkt undir einu sameiginlegu vörumerki; Skaginn 3X. Starfsmönnum fyrirtækjanna var greint frá þessu á fundi á Gamla Kaupfélaginu á Akranesi síðdegis á föstudag, samhliða því sem ný heimasíða, www.skaginn3x.com, var frumsýnd. „Þessar breytingar eru fyrst og fremst hugsaðar til þess að einfalda og sameina markaðsstarf fyrirtækjanna og auðvelda samskipti við viðskiptavini. Undir einu merki skapast sterkari vitund um starf okkar og þær vörur sem við framleiðum. Þannig getum við hagrætt í markaðsstarfi og gert það enn árangursríkara, ásamt því að styrkja stöðu og sérkenni starfsstöðvanna“ segir Ingólfur Árnason, framkvæmdarstjóri Skagans 3X.

Hér má sjá kynningarmyndband um Skagann 3X, sem sýnt var á kynningarfundi með starfsmönnum á föstudag:

Þær vörur sem Þorgeir og Ellert selur á erlendum mörkuðum hafa lengi verið markaðssettar undir nafni Skagans. Samstarf milli Skagans og 3X Technology efldist kom til árið 2014 þegar eignarhald fyrirtækjanna sameinaðist að hluta. „Samvinna okkar hefur gefist vel og við horfum björtum augum til framtíðar. Okkar bíða stór og spennandi verkefni á alþjóðavísu, mörg hver byltingarkennd fyrir markaðinn. Þó starfsemi fyrirtækjanna verði sameinuð undir einu merki, þá viljum við halda í sérþekkingu og einkenni hverrar starfstöðvar fyrir sig og fyrirtækin þrjú munu áfram starfa sem sjálfstæðar rekstrareiningar“ segir Karl Ásgeirsson, rekstrarstjóri Skaginn 3X á Ísafirði.

: Hluti starfsfólks Skagans og Þorgeirs & Ellerts sem sótti kynningarfundinn á föstudag.

: Feðginin Ingólfur Árnason framkvæmdastjóri og Una Lovísa Ingólfsdóttir, vörustjóri Skagans 3X.

: Að kynningum loknum var boðið upp á léttar veitingar og þess beðið að ný heimasíða færi í loftið, en það gerðist stundvíslega kl. 18:00.

Skaginn 3X er nýtt vörumerki þriggja fyrirtækja