ÍA lék öðru sinni á fjórum dögum þegar liðið heimsótti Fjölni í 1. deild karla í körfuknattleik á sunnudag. Liðin berjast á sitthvorum enda deildarinnar, Skagamenn við botninn en Fjölnir við toppinn. Á brattann var að sækja fyrir ÍA í leiknum og Skagamenn áttu erfitt uppdráttar gegn sterku Fjölnisliði. því heimamenn voru sterkari og leiddu nánast frá fyrstu mínútu. Að lokum fór svo að ÍA tapaði stórt, 117-80.

Heimamenn byrjuðu betur en Skagamenn jöfnuðu snemma leiks í 7-7 en Fjölnir komst yfir á nýjan leik skömmu síðar og tóku stjórn leiksins í sínar hendur. Þeir leiddu með sex stigum eftir upphafsfjórðunginn, 26-20. Nokkuð jafnræði var með liðunum framan af öðrum fjórðungi en heimamenn stjórnuðu ferðinni og hleyptu Skagamönnum aldrei inn í leikinn. Þegar líða tók nær hálfleiknum fór Fjölnir að síga æ lengra fram úr og höfðu 17 stiga forskot í hléinu, 51-34.

Í síðari hálfleik breyttist gangur leiksins lítið. Fjölnismenn voru áfram sterkari og bættu lítillega við forskot sitt framan af þriðja leikhluta. Skagamenn komu aðeins til baka undir lok hans en tókst ekki að minnka muninn nema í 15 stig. Fjölnir kláraði þriðja leikhlutann af krafti og leiddi með 24 stigum fyrir lokafjórðunginn, 80-56. Þær bættu enn við það sem eftir lifði leiks og sigruðu að lokum með 37 stigum, 117-80.

Derek Shouse var skoraði 23 stig fyrir ÍA, tók ellefu fráköst og gaf sex stoðsendingar. Björn Steinar Brynjólfsson var með 18 stig og fimm fráköst og Jón Orri Kristjánsson var með 13 stig, fimm fráköst og sex stoðsendingar.

ÍA situr enn í 8. og næstneðsta sæti deildarinnar með átta stig eftir 16 leiki, átta stigum á undan botnliði Ármenninga en tveimur stigum á eftir FSu sem á leik til góða í sætinu fyrir ofan. Þessi tvö lið mætast einmitt í næstu umferð. Leikur ÍA og FSu fer fram á Selfossi fimmtudaginn 26. janúar.

ÍA átti erfitt uppdráttar gegn sterku Fjölnisliði