medium

large

thumbnail

1536x1536

2048x2048

small

custom-size

Skagamenn í 16-liða úrslit í Mjólkurbikarnum – Dregið í hádeginu

Veturinn kvaddi með þunga og skemmdum á þakköntum

Lýðheilsuverðlaunin afhent á Bessastöðum

Annir hjá björgunarsveitum í gær á sumardaginn fyrsta

Tíu frambjóðendur komnir með lágmarksfjölda meðmælenda

Harðviðarbryggja í smíðum í Ólafsvík

core/freeform

Í dag verður borinn til grafar í Stykkishólmi Ágúst Guðmundur Bjartmars heiðursborgari Stykkishólmsbæjar. Ágúst var fæddur í Stykkishólmi 13. janúar 1924 og bjó þar alla tíð. Hann lést á Dvalarheimili aldraðra í Stykkishólmi 17. desember sl. þar sem hann dvaldi síðustu æviár sín.

Ágúst var húsasmiður að mennt, var kvæntur Maggý Lárentsínusdóttur og eignuðust þau þrjú börn. Árið 2012 var Ágúst gerður að heiðursborgara Stykkishólmsbæjar fyrir mjög farsæl störf í þágu samfélagsins í Stykkishólmi. Hann var einn aðalhvatamaður að stofnun Iðnskólans sem starfaði um árabil í Hólminum og lagði mikið af mörkum í uppbyggingu iðngreina í bænum. Ágúst var einn af stofnendum og eigendum Trésmiðju Stykkishólms og var oddviti Stykkishólmshrepps á árunum 1970-1978 en hann lauk starfsferli sínum sem handavinnukennari við Grunnskólann í Stykkishólmi. Þá var hann mikill íþróttamaður og vann fimm sinnum Íslandsmeistaratitil í badminton. Ágúst var þar að auki einn af stofnendum Lionsklúbbs Stykkishólms og söng bæði í karla- og kirkjukórnum.

Útför Ágústs Guðmundar Bjartmars fer fram frá Stykkishólmskirkju í dag og hefst athöfnin klukkan 14:00.

Heiðursborgari jarðsettur í dag