Nú líður að kjöri á Íþróttamanni Akraness fyrir árið 2016 og afhendingu á Friðþjófsbikarnum í 26. skipti, en 15 íþróttamenn eru tilefndir að þessu sinni. Valið fer fram með þeim hætti að níu manna nefnd greiðir atkvæði í kjörinu en auk þeirra er eitt atkvæði sem gefið er í almennri kosningu á vef Akraneskaupstaðar. Geta allir tekið þátt. Valið er í fyrsta, annað og þriðja sæti. Til að lesendur geti gert sér glögga mynd af afrekum þeirra sem tilnefndir eru þá hefur verið gerð samantekt á þeim tilnefningum sem aðildarfélög ÍA sendu inn. Einnig er hægt að sjá á vef Akraneskaupstaðar samantekt á umsögnum um þá sem tilnefndir eru í kjörinu. SJÁ HÉR. Úrslit verða kunngjörð á þrettándahátíð 6. janúar næstkomandi, að lokinni brennu.

Eftirtaldir eru tilnefndir til Íþróttamanns Akraness 2016:

Badmintonmaður ársins: Drífa Harðardóttir

Fimleikamaður ársins: Harpa Rós Bjarkadóttir

Hestaíþróttamaður ársins: Jakob Svavar Sigurðsson

Hnefaleikamaður ársins: Bjarni Þór Benediktsson

Íþróttamaður Þjóts: Lena Kristín Hermannsdóttir

Karatemaður ársins: Amalía Sif Jessen

Kylfingur ársins: Valdís Þóra Jónsdóttir

Keilumaður ársins: Magnús Sigurjón Guðmundsson

Knattspyrnumaður ársins: Garðar Bergmann Gunnlaugsson

Knattspyrnukona ársins: Megan Lea Dunnigan

Knattspyrnumaður Kára: Sigurjón Guðmundsson

Kraftlyftingamaður ársins: Einar Örn Guðnason

Körfuknattleiksmaður ársins: Jón Orri Kristjánsson

Sundmaður ársins: Ágúst Júlíusson

Vélhjólaíþróttamaður ársins: Þorbjörn Heiðar Heiðarsson.

Líður að kjöri á Íþróttamanni Akraness 2016