medium

large

thumbnail

1536x1536

2048x2048

small

custom-size

Leikskólabörnum fjölgar um 19% á Akranesi

Píludeild Skallagríms stofnuð

Dalabyggð bregst við vegna breytinga á póstafgreiðslu

Bátafélagið Ægir sendir frá sér áskoranir

Leita að 15-18 ára sæskrímslum

Umferðin í landshlutanum gekk vel yfir páskana

core/freeform

Úrskurðarnefnd umhverfis- og auðlindamála (ÚUA) kvað á Þorláksmessu upp úrskurð þar sem byggingarleyfi er fellt úr gildi fyrir hótelbyggingu á lóðinni Borgarbraut 59 í Borgarnesi. Framvæmdir hófust fyrr á þessu ári á lóðinni og er búið að reisa hálfa aðra hæð úr forsteyptum einingum ofan á jarðahæð hússins. Framkvæmdir hafa þegar stöðvast af þessum sökum. Kærendur til ÚUA eru eigendur fasteignar í nágrenninu, við Kveldúlfsgötu 2a. Nefndin kemst að þeirri niðurstöðu að hið kærða byggingarleyfi sé ekki í samræmi við landnotkun gildandi deiliskipulags og verði því ekki hjá því komist að fella byggingarleyfið úr gildi. Úrskurðarorð eru: „Felld er úr gildi ákvörðun byggingarfulltrúa Borgarbyggðar frá 3. október 2016 um að samþykkja leyfi til að byggja 59 herbergja hótelbyggingu, opinn bílakjallara og tæknirými í kjallara, á lóð nr. 59 við Borgarbraut.“

Í úrskurði nefndarinnar er forsaga málsins rakin stuttlega. Þar segir m.a: „Sveitarstjórn Borgarbyggðar samþykkti á fundi hinn 14. apríl 2016 breytt deiliskipulag fyrir lóðirnar nr. 55-59 við Borgarbraut. Hinn 16. september sl. veitti bygginarfulltrúi Borgarbyggðar byggingarleyfi fyrir framkvæmdum á lóð nr. 57-59 við Borgarbraut, á grundvelli nefndrar deiliskipulagsbreytingar. Með úrskurði úrskurðarnernefndar umhverfis- og auðlindamála, uppkveðnum 23. september 2016, var fyrrgreind skipulagsákvörðun felld úr gildi þar sem hún var ekki talin vera í samræmi við gildandi aðalskipulag Borgarbyggðar. Í kjölfar ógildingar skipulagsbreytingarinnar samþykkti byggingarfulltrúi á fundi sínum 3. október 2016 að veita byggingarleyfi fyrir 59 herbergja hótelbyggingu, á lóðinni Borgarbraut 59 með opinni bílageymslu og tæknirými í kjallara. Með bréfi byggingarfulltrúa, dags. 30. nóvember 2016, var hið fyrra byggingarleyfi, sem tók til sameinaðrar lóðar Borgarbrautar 57-59, afturkallað.“

&nbsp;

<strong>Nýtt skipulag áður en framkvæmdir hefjast að nýju</strong>

Gunnlaugur A Júlíusson sveitarstjóri Borgarbyggðar segir í samtali við Skessuhorn að framkvæmdir hafi nú þegar stöðvast við hótelbygginguna. Samþykkt var 22. desember síðastliðinn að auglýsa nýtt deiliskipulag og aðalskipulag fyrir Miðsvæði Borgarness. Samkvæmt skipulagslögum tekur auglýsingaferli að lágmarki sex vikur auk einhvers viðbótartíma og fara framkvæmdir ekki af stað á nýjan leik fyrr en nýtt skipulag hefur tekið gildi fyrir svæðið.

<a href="http://skessuhorn.wpengine.com/wp-content/uploads/2016/12/Úrskurður-vegna-Borgarbrautar-59.pdf">Úrskurður vegna Borgarbrautar 59</a>

Byggingarleyfi ógilt fyrir hótelbyggingu í Borgarnesi