medium

thumbnail

small

custom-size

Grunur um listeríu í brauðskinku

large

1536x1536

Bergur sýndi þolraun þegar hann safnaði fyrir Píeta-samtökin

Vorhátíð nemenda í hestamennsku haldin á Mið Fossum

2048x2048

Talsverður sinueldur í Mávahlíð í Borgarfirði – uppfært

Halló-Ringó ´24 á Akureyri

Afhentu bæjarstjóra undirskriftalista

core/freeform

„Í konungsríki, óralangt í burtu, býr undurfögur prinsessa sem er elskuð og dáð af öllum þegnum sínum. Líf hennar virðist fullkomið þangað til hún vaknar dag einn og þarf að takast á við risavaxið vandamál sem kollvarpar allri veröld hennar. En er vandamálið eins skelfilegt og hún telur það vera?“ Meira má ekki upplýsa hér, en þannig hljómar kynning á nýrri barnabók eftir Viggó I Jónasson frá Rauðanesi á Mýrum. Bókin er myndskreytt af Ara Hlyn Guðmundssyni Yates, en bókaútgáfan Hringur gefur út.

Viggó hefur frá því um aldamótin verið búsettur í Kópavogi ásamt konu og nú eiga þau þrjú börn á aldrinum 12, 7 og 3 ára. „Þetta er fyrsta bókin mín og vonandi ekki sú síðasta,“ segir Viggó um útkomu bókarinnar um bólubaslið. „Börnin mín eru mjög hrifin af sögunni en að vísu eru þau ekki alveg hlutlaus. Undanfarið hef ég verið að kynna bókina, meðal annars farið á leikskóla til að lesa fyrir krakkana þar. Það er örugglega besta og skjótvirkasta geðlyf sem ég veit að lesa fyrir leikskólabörn og fá hrósið frá þeim,“ segir Viggó. Aðspurður segir hann að rithöfundurinn hafi blunda í honum lengi. „Maður er búinn að segja helling af sögum í gegnum tíðina. Sumar skrifa ég niður og fara þær annað hvort í ruslið eða ofan í skúffu. Þessi saga hafði lent í skúffunni en fór þaðan til útgáfunnar. Bara gaman að því,“ segir Viggó rithöfundur að endingu.

Viggó gefur út barnabókina Konungborna bólubaslið