medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/freeform

Svokallaður „Pop up“ jólamarkaður verður haldinn á kaffihúsinu Skökkinni Café á Akranesi á morgun, 1. desember. Þar verður sannkölluð markaðsstemning og meðal annars hægt að kaupa jólakaffidrykki og eitthvað gott með kaffinu. Ýmsir aðilar munu selja vörur sínar á markaðinum, sem allar eiga það sameiginlegt að vera tilvaldar í jólapakkann. Meðal þeirra sem taka þátt eru listakonan Tinna Royal, Inga Dóra Jóhannsdóttir frá Leir Kompunni, María Björgvins með vörur frá Forever Living, TdP design með jólakjóla, leggings og silkihálsmen, Elsa Rut með handunnu hálsmenin VIÐHENGI og FeelGoodArt, sem er hönnun vinkvennanna Elsu Rutar og Láru Ingólfs. Þær báðar eru aðdáendur fallegra, uppbyggjandi og hvetjandi orða og hafa þær sameinað krafta sína í veggspjöldunum FeelGoodArt. Í tilkynningu frá Skökkinni segir að jólamarkaðurinn sé tilvalinn fyrir vinkonur, vini, mæðgur eða hvern sem er til að skreppa aðeins út og byrja jólamánuðinn vel. Ljúf jólalög verði spiluð og hægt sé að njóta þess að skoða fallegar vörur og / eða sötrað gott kaffi og glugga í góða bók. Einnig verður boðið upp á happadrætti á markaðinum en allir sem versla geta látið nafn sitt í pottinn og eiga þá möguleika á veglegum vinningum. Markaðurinn verður opinn á milli klukkan 19:30 og 22:00.

„Pop up“ jólamarkaður verður á Skökkinni Café