medium

large

thumbnail

small

custom-size

Dreyri bauð upp á páskaeggjaleit í morgun

Dregið hefur úr norðan hvassviðri og vorið er handan við hornið

1536x1536

2048x2048

Vegagyðjan verður reist við Búðardal í dag

Nói Síríus selur páskaegg á hálfvirði

Margir í vandræðum á fjallvegum fyrir norðan

Gleðilega páska!

core/freeform

Bæjarstjórn Snæfellsbæjar mótmælir harðlega niðurstöðum úthlutunar byggðakvóta fyrir fiskveiðiárið 2016 - 2017. Þetta kom fram á fundi bæjarstjórnarinnar 17. nóvember sl. þar sem meðal annars var fjallað um bréf frá atvinnuvega- og nýsköpunarráðuneytinu varðandi umsókn um byggðakvóta fyrir yfirstandandi fiskveiðiár. Niðurstaða atvinnuvega- og nýsköpunarráðuneytisins hvað Snæfellsbæ varðar er að engum byggðakvóta er úthlutað á Hellissand og Arnarstapa. Í fundargerð bæjarstjórnar segir að þessi niðurstaða sé með öllu óásættanleg og skorar bæjarstjórn á sjávarútvegs- og landbúnaðarráðherra að breyta nú þegar reglum um úthlutun byggðakvóta og úthluta kvótanum að því loknu á grundvelli nýrra reglna um byggðakvóta.

„Bæjarstjórn samþykkti samhljóða að við úthlutun byggðakvóta í Snæfellsbæ (Arnarstapa, Hellissandi, Rifi og Ólafsvík), þá verði farið eftir reglugerð atvinnuvega- og nýsköpunarráðuneytisins frá 8. júlí 2016, um úthlutun byggðakvóta til fiskiskipa á fiskveiðiárinu 2016/2017,“ segir í fundargerðinni. Bæjarstjórnin óskar þó eftir því að gerðar verði þrjár breytingar á úthlutunarreglum fyrir byggðakvóta í Snæfellsbæ varðandi orðalag og vilja þá að orðalagi í þremur greinum verði breytt og vill stjórnin að orðið „sveitarfélag“ sé frekar notað en orðið „byggðarlag“ í þessum þremur greinum. Rök bæjarstjórnar Snæfellsbæjar fyrir þessum breytingum er sú staðreynd að á Arnarstapa og á Hellissandi eru ekki reknar fiskvinnslur og því ekki hægt að landa afla til vinnslu á þeim stöðum. „Ef ráðuneytið verður við þessum óskum, þá mun byggðakvótinn nýtast innan sveitarfélagsins, en það skiptir miklu máli fyrir Snæfellsbæ að geta nýtt úthlutaðan byggðakvóta,“ segir að endingu í ályktun bæjarstjórnar.

Vilja að byggðakvóti renni til sveitarfélaga en ekki byggðarlaga