medium

large

thumbnail

small

custom-size

Bjarki Pétursson varð í sjöunda sæti

1536x1536

Snæfell kom sér inn í einvígið gegn Tindastóli

Gleði og glaumur á söngleiknum Grease

2048x2048

Kallað eftir tilnefningum til foreldraverðlauna

Fellsströndin og Gullni söguhringurinn

Salmonella í kjúklingi frá Matfugli

core/freeform

Sigurður Hreinsson og Bryndís Guðmundsdóttir á Miðhrauni í Eyja- og Miklaholtshreppi eru afar þakklát slökkviliðsmönnum fyrir vasklega framgöngu á vettvangi brunans í gærmorgun. „Þeir stóðu sig eins og hetjur og vil ég koma á framfæri kæru þakklæti til allra slökkviliðsmanna og annarra sem komu að aðstoð við okkur," sagði Sigurður í samtali við blaðamann Skessuhorns nú í morgun. "Þrátt fyrir að mikið hafi brunnið af mannvirkjum voru engu að síður lukkudísir með í för. Til dæmis var veður með besta móti þegar eldurinn kom upp, logn lengst af. Þá hjálpaði mikið að bæði rafmagnsinntakið og vatnsinntaksmannvirki sluppu, á einhvern óútskýranlegan hátt. Ef rafmagnsinntak hefði brunnið væri allt ennþá erfiðara en raun ber vitni og við án rafmagns í marga daga. Einnig var ammoníakið í þeim hluta bygginganna sem sluppu. Þá er mikið lán að nýjasta verksmiðjuhúsið slapp og eldveggur milli bygginga hélt. Ef nýja húsið hefði brunnið líka, hefði orðið um altjón að ræða bæði á byggingum og tækjum. Loks var einnig mikið lán hversu mikið vatn kemur hér undan hrauninu. Það hjálpaði verulega að slökkviliðsmenn höfðu nóg af því,“ segir Sigurður.

Hann viðurkennir að auðvitað séu þau hjón og aðrir starfsmenn ennþá í ákveðnu sjokki. Í dag eru fulltrúar tryggingafélagsins í heimsókn og verið að fara yfir tryggingamál og bætur. Engu að síður var ekki annað að heyra á honum en uppbygging færi á fullt, þegar búið verður að meta tjónið og átta sig betur á aðstæðum. „Það er ekki einvörðungu nauðsynlegt að hugsa þetta út frá búinu og fyrirtækinu okkar, heldur finnum við vel fyrir þeirri samfélagslegu ábyrgð sem við gegnum hér í hreppnum. Það er mikið undir að við höldum starfi okkar áfram. Hér er fólk sem búið er að starfa hjá okkur í tíu, fimmtán ár, og framtíð skólans og viðgangur samfélagsins byggist á því að við leggjum ekki árar í bát, þrátt fyrir þetta áfall,“ sagði Sigurður Hreinsson að endingu.

Hugur í Miðhraunsbændum þrátt fyrir áfallið