Slökkvistarf í fiskþurrkuninni á Miðhrauni í Eyja- og Miklaholtshreppi gengur vel miðað við aðstæður, að sögn Bjarna Kr Þorsteinssonar slökkviliðsstjóra. Nú á níunda tímanum segir Bjarni að byrjað sé að rjúfa byggingar og komast fyrir frekari útbreiðslu eldsins. Útlit er fyrir að náist að bjarga stærsta húsinu. Engu að síður segir Bjarni að tjónið sé gríðarlegt á mannvirkjum fiskþurrkunarinnar, öll eldri húsin brunnin. Á vettvangi eru slökkviliðsmenn frá Snæfellsnesi og Borgarbyggð, en búnaður til slökkvistarfsins var einnig sendur frá Slökkviliðinu á Akranesi og frá Brunavörnum Suðurnesja.

Það var laust fyrir klukkan fimm í nótt sem flutningabílstjóri á ferð um Snæfellsnessveg varð eldsins vart og gerði Neyðarlínunni viðvart. Strax var kallað út allt tiltækt slökkvilið en þá þegar hafði eldurinn breiðst út um eldri byggingar sem hýsa fiskþurrkunina á Miðhrauni. Fyrirtækið hefur síðari ár verið langstærsti atvinnurekandinn í sveitarfélaginu. Tjónið er því gríðarlegt fyrir Miðhraunsbúið og samfélagið í heild.

Eldur á Miðhrauni_2 Eldur á Miðhrauni_3 Eldur á Miðhrauni_4 Eldur á Miðhrauni_5 Eldur á Miðhrauni_6 Eldur á Miðhrauni_7 Eldur á Miðhrauni_8 Eldur á Miðhrauni_9

Stórbruni á Miðhrauni – fleiri myndir