medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/freeform

Á Oddsstöðum I í Lundarreykjadal í Borgarfirði hafa hjónin Sigurður Oddur Ragnarsson og Guðbjörg Ólafsdóttir um árabil rekið hestatengda ferðaþjónustu. Þar hefur ferðamönnum og hestaáhugafólki verið boðið upp á allt frá reiðtúrum og -námskeiðum til lengri hestaferða. Nú hafa hjónin á Oddsstöðum reist þrjú smáhýsi og geta allt að 18 manns gist í þeim.  „Með aukinni gistingu horfum við til þess að víkka út möguleika okkar í ferðaþjónustunni, rétt eins og við gerðum með reiðskemmunni sem við byggðum árið 2011. Smáhýsin eru hugsuð sem viðbót við aðstöðuna hér og við horfum til þess að fá fólk til að stoppa lengur hér í Lundarreykjadal,“ segir Sigurður Oddur í samtali við blaðamann.

„Með því að geta boðið fólki að dvelja lengur getum við fjölgað okkar verkefnum og breytt eftir því sem fólk sækist eftir, til dæmis boðið upp á fleiri stutta reiðtúra og gert þá út héðan frá Oddsstöðum. Þannig eru líkur á að ferðamannatímabilið í þessari hestatengdu ferðamennsku lengist,“ segir Guðbjörg. Þeirri undirgrein ferðaþjónustunnar eru nefnilega ákveðnar skorður settar frá náttúrunnar hendi. Ekki er hægt að fara í langar ferðir um fjallvegi, holt og heiðar um hávetur. „Mest er að gera í hestaferðamennskunni frá miðjum júní og út ágúst. Eftir þann tíma er vertíðin nú oftast búin. Í lengri ferðum höfum við oft verið að gista með hópa í fjallaskálum, samkomuhúsum og víða. En með tilkomu gistingar hér horfum við til þess að hægt verði að ríða heiman frá og þá ef til vill fleiri dagsferðir, styttri túrar og jafnvel fleiri námskeið,“ segir Sigurður Oddur.

Aðspurð kveðast hjónin á Oddsstöðum ætla að taka húsin í notkun næsta sumar, að fengnu rekstrarleyfi. Miðað við gang framkvæmda ætti ekkert að koma í veg fyrir að þær áætlanir standist. <a href="http://skessuhorn.wpengine.com/askrift" target="_blank">Nánar í Skessuhorni vikunnar.</a>

Risin eru þrjú smáhýsi á Oddsstöðum í Lundarreykjadal