Rjúpnaskytturnar sem leitað hefur verið síðan í gærkvöldi fundust heilar á húfi rétt fyrir klukkan 14 í dag. Mennirnir höfðu leitað sér skjóls undan veðrinu ofarlega í hlíðum Gráborgar, ofan Hestdala sem ganga inn af Kolgrafafirði. Mennirnir eru þokkalega á sig komnir, miðað við aðstæður, en bæði blautir og kaldir. Þeir gerðu björgunarsveitafólki vart við sig með því að blása reglulega í neyðarflautu sem þeir höfðu meðferðis. Eftir að hafa hlúð að mönnunum bíður björgunarsveitafólki það erfiða verkefni að koma mönnunum til byggða yfir torfarna leið í leiðinlegu veðri. Alls komu rúmlega 200 manns að leit og björgun. Björgunarsveitafólk víða af landinu. Björgunarsveitafólk er nú á leið til byggða en gera má ráð fyrir að það taka nokkrar klukkustundir miðað við aðstæður á leitarsvæðinu.

Búist er við fólkinu til byggða um klukkan 17 í dag.

Hér eru tveir björgunarsveitarmenn frá Kyndli í Mosfellssveit ásamt leitarhundi.

Aðstæður til leitar voru slæmar, bæði veðurfarslega og um erfitt land að fara.

Stjórnstöð björgunarsveitanna er í bíl sem Landsbjörg sendir á svæðið við aðstæður sem þessar.

Rjúpnaskytturnar fundnar