medium

large

thumbnail

1536x1536

2048x2048

small

custom-size

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

core/freeform

Björt framtíð hefur nú ákveðið endanlega röðun á framboðslista fyrir komandi alþingiskosningar. Áður höfðu efstu fimm sætin verið kynnt.

Fyrsta sæti á lista Bjartrar framtíðar í Norðvesturkjördæmi skipar G. Valdimar Valdemarsson, framkvæmdastjóri. Hann tók þátt í að stofna Bjarta framtíð með þá von í brjósti að Björt framtíð gæti unnið öðruvísi. Hann telur að fulltrúar Bjartrar framtíðar hafi náð árangri við að nálgast verkefni og vandamál samtímans með nýjum aðferðum þar sem við greinum veikleika og styrkleika, ógnir og tækifæri og byggjum stefnumörkun á staðreyndum og rannsóknum en ekki eingöngu á pólitískri hugmyndafræði. G. Valdimar vill að stjórnmál snúist meira um markmið og framtíðarsýn og er tilbúinn að leggja á sig mikla vinnu við draga fram þau markmið sem við getum sameinast um þvert á stjórnmálaflokka og hagsmuni. Hans sýn er að við myndum ekki deila svo mikið um leiðirnar ef markmiðin eru skýr.
Annað sæti á lista Bjartrar framtíðar í Norðvesturkjördæmi skipar Kristín Sigurgeirsdóttir, skólaritari og MLM nemi. Umhverfis- og loftslagsmálin eru henni hugleikin. Kristín lýsir sér sem náttúrubarni, sem er annt um að afkomendur okkar allra fái að njóta náttúrunnar og umhverfisins eins og við og forverar okkar hafa gert. En til þess verðum við að gæta vel að því hvað við gerum og hvað við framkvæmum. Náttúran á að njóta vafans, það á ekki að gefa neinn afslátt í umhverfis- og loftslagsmálum.
Ásthildur Ósk Ragnarsdóttir, skólaliði og handverkskona, skipar þriðja sæti á lista Bjartrar framtíðar í Norðvesturkjördæmi. Hún leggur áherslu á menntamálin. Skólar og leikskólar berjast í bökkum við að veita grunnþjónustu og hafa ekki fjárhagslegt svigrúm til að gera betur. Skoða þarf betur tekjuskiptingu sveitarfélaga og ríkis í þessu samhengi. Ásthildur vill hlúa að og styðja unga fólkið okkar betur en nú er gert . Ísland getur svo mikið betur, hennar sýn er að horft sé til framtíðar en ekki bara til skamms tíma. Mannúð og mannréttindi eru henni ofarlega í huga, til að mynda aðbúnaður sem hælisleitendum er boðið upp á stenst ekki lágmarkskröfur og misnotkun á erlendu vinnuafli er þögguð niður og látin viðgangast. Þessu og mörgu öðru vil Ásthildur beita sér fyrir á Alþingi.

<strong>Norðvesturkjördæmi</strong>
1. G. Valdimar Valdemarsson, framkvæmdastjóri
2. Kristín Sigurgeirsdóttir, skólaritari og MLM nemi
3. Ásthildur Ósk Ragnarsdóttir, skólaliði og handverkskona
4. Matthías Freyr Matthíasson, barnaverndarstarfsmaður og laganemi
5. Gunnsteinn Sigurðsson, umsjónarþroskaþjálfi og grunnskólakennari
6. Gunnlaugur Ingivaldur Grétarsson, fjallaleiðsögumaður
7. Elín Matthildur Kristinsdóttir, deildarstjóri og meistaranemi
8. Ólína Ingibjörg Gunnarsdóttir, hjúkrunarfræðingur
9. Haraldur Reynisson, kennari
10.Emilía Íris Líndal Garðarsdóttir, myndlistarmaður
11. Vilborg Guðbjartsdóttir, bæjarfulltrúi
12. Hafþór Óskarsson, ferðamálafræðingur
13. Ingunn Jónasdóttir, kennari
14. Guðmundur Björnsson, verkfræðingur og gæðastjóri
15. Kristján Guðmundsson, myndlistarmaður
16. Árni Múli Jónasson, framkvæmdastjóri Þroskahjálpar.
-fréttatilkynning

Björt framtíð kynnir fullskipaðan lista í NV kjördæmi