119 þúsund tonn veidd í ágúst

Fiskafli íslenska flotans var rúmlega 119 þúsund tonn í ágústmánuði síðastliðnum skv. tölum á vef Hagstofunnar. Er það fjórum prósentum meiri afli en í sama mánuði í fyrra. Botnfiskaflinn var rúm 33 þúsund tonn, sem er 28% aukning frá ágúst 2015 og þorskaflinn var 17 þúsund tonn, jókst um 41% miðað við sama mánuð í fyrra. Flatfiskafli jókst um 25% og skel- og krabbadýraaflinn um 18% miðað við ágúst 2015. Samdráttur varð í uppsjávarafla upp á fjögur prósentustig.

Á tólf mánaða tímabili hefur heildarafli íslenskra skipa dregist saman um 294 þúsund tonn á milli ára, sem er 22% aflasamdráttur. Vegur uppsjávarafli þar þyngst.

Afli í ágúst síðastliðnum metinn á föstu verðlagi var 2,6% meiri en í ágúst 2015.

Líkar þetta

Fleiri fréttir