Vinningsmynd Ástríðar Helgu þótti sýna vel þá vináttu sem ríkti á mótinu.

Áttu bestu myndirnar á Unglingalandsmóti UMFÍ

Ástríður Helga Magnúsdóttir á Skagaströnd fékk í síðustu viku afhentan glæsilegan iPhone 6S Plus síma fyrir bestu myndina í myndakeppni UMFÍ sem fram fór á Unglingalandsmótinu í Borgarnesi um verslunarmannahelgina. Ástríður tók myndina á á síðasta degi mótsins og sýnir hún tvær vinkonur horfa saman á flugeldasýninguna að lokinni síðustu kvöldvökunni á Unglingalandsmótinu. Myndin endurspeglaði þá vináttu sem einkenndi mótið, að mati dómnefndar.

Aðrir vinningshafar voru þeir Snæþór Bjarki sem tók skemmtilegt myndband í Skallagrímsgarði í Borgarnesi en myndbrellur sem hann notaði þóttu takast afar vel. Í verðlaun hlaut Snæþór iPad Mini. Allir sem tóku þátt í myndakeppninni og deildu mynd eða myndbandi merktu #ULM2016 fóru í pott og gátu unnið Libratone Too hátalara frá Epli. Mynd sem Jóhannes Oddsson tók og var merkt #ULM2016 var dregin úr pottinum. Allar myndirnar í myndaleiknum má sjá á Instagram-síðu UMFÍ undir myllumerkinu #ULM2016.

„UMFÍ þakkar öllum sem þátt tóku í myndaleiknum og Unglingalandsmóti UMFÍ í Borgarnesi um verslunarmannahelgina 2016.“

Líkar þetta

Fleiri fréttir