„Stjórn Landssambands veiðifélaga lýsir þungum áhyggjum vegna frétta af slysasleppingum í fiskeldi. Samkvæmt tilkynningu Fiskistofu veiðist regnbogasilungur nú í ám í Patreksfirði, Tálknafirði, Arnarfirði og Dýrafirði. Grunur liggur á að regnbogi sé einnig í ám í Ísafjarðardjúpi. Koma þessar fregnir til viðbótar slysasleppingu í Berufirði í vor þar sem kví með 120.000 regnbogasilungum opnaðist með þeim afleiðingum að regnbogi veiðist nú um alla Austfirði,“ segir í tilkyninningu frá LV.

„Stjórn Landssambands veiðifélaga harmar þá stöðu sem kominn er upp og bendir á að varað hafi verið við þeirri hættu sem villtum silunga- og laxastofnum stafaði af stórfelldu fiskeldi í sjókvíum. Stjórnin telur að þessi atvik, ásamt umhverfisslysi þegar norskur eldislax slapp úr sjókvíum í Patreksfirði haustið 2013, sé til marks um þá miklu umhverfishættu sem villtum laxa- og silungastofnum stafar af sjókvíaeldi við strendur landsins Rétt er að benda á að regnbogi er mun auðgreinanlegri þegar hann sleppur heldur en lax sem oft er ekki mikið frábrugðinn villtum laxi. Þessu til viðbótar sýna rannsóknir að eldislax leitar í árnar að hausti og þá gjarnan eftir veiðitíma. Nú hafa hafa verið leyfi til framleiðslu á un 40.000 tonnum af laxi og regnbogasilungi og fréttir berast um að áform sú um að framleiða allt að 180.000 þúsund tonn. Í ljósi þess að í fyrra voru framleidd rúmlega 3000 tonn af laxi og regnbogasilungi í sjókvíum og umfangið í slysasleppingum er eins og komið hefur fram í tilkynningu Fiskistofu má ljóst vera að hér stefnir í mikið óefni.“

Stjórn Landssambands veiðifélaga lýsir ábyrgð á hendur stjórnvalda vegna þess ástands sem ríkir og krefst þess að nú þegar verði gripið til aðgerða vegna þeirra alvarlegu stöðu sem nú blasir við.

Regnbogasilungur veiðist nú í ám um alla Vestfirði