medium

large

thumbnail

1536x1536

small

custom-size

Kári úr leik í Lengjubikarnum eftir tap gegn Þrótti Vogum

Kæra til lögreglu alvarlega vanrækslu á nautgripum

Hvítnar í fjöll í kvöld og færð gæti þar spillst

2048x2048

Var með kannabis í fórum sínum

Tónlistarfólk í Stykkishólmi fagnar í vor

Mikil gróska í íþróttastarfi Ungmennafélags Reykdæla

core/freeform

Karen Jónsdóttir sem á og rekur lífrænu verslunina Matarbúr Kaju á Akranesi hyggst á næstunni opna útibú verslunarinnar í Reykjavík. „Ég fæ húsnæðið afhent 1. september og stefni að því að opna laugardaginn 10. september,“ segir Karen í samtali við Skessuhorn. Matarbúr Kaju í Reykjavík verður til húsa við Óðinsgötu 8b. Segir Karen að verslunin verði með svipuðu sniði og verslunin á Akranesi þar sem almenn þurrvara, ávextir og grænmeti er selt eftir vigt. „Áherslan er á lífrænt vottuð og umhverfisvæn matvæli sem seld eru eftir vigt. Þó verður enn meiri áhersla lögð á lausasöluna og umbúðalaust í versluninni í Reykjavík þar sem aðstæður bjóða upp á það,“ segir hún. „Svo er hugmyndin að framleiða hrákökutertur hér á Akranesi og selja einnig í Matarbúrinu í Reykjavík,“ bætir hún við.

Aðspurð hvers vegna hún hyggist færa út kvíarnar telur hún að eftirspurn sé eftir lífrænni matvöru á höfuðborgarsvæðinu. „Ég er að breiða út lífræna boðskapinn og tel að markaðurinn sé að leita eftir þessu. Skagamenn hafa tekið svo vel í sína verslun að nú er mál að athuga hvort Reykvíkingar vilja ekki eiga sína líka,“ segir hún og kveðst full eftirvæntingar. „Þetta leggst vel í mig. Ég er búin að ráða verslunarstjóra og verð sjálf með annan fótinn þarna til að byrja með. Svo ráðum við fólk ef þess þarf. Ég er með stóran hnút í maganum af spenningi en hef fulla trú á því að þetta eigi eftir að gera sig,“ segir Karen Jónsdóttir að lokum.

Útibú Matarbúrs Kaju senn opnað í Reykjavík