Verklok við hleðslu kirkjugarðsveggjarins í Reykholti eru áætluð í dag, miðvikudag. Hér er fólkið sem kom að hleðslunni. Næstir á mynd eru hleðslumeistararnir Unnsteinn Elíasson og föðurbróðir hans Ari Jóhannesson. Þá Kristín Auður Elíasdóttir og Grétar Jónsson. Ljósm. bhs.

Hlóðu nýjan kirkjugarðsvegg

Fyrr í vikunni lauk hleðslu á nýjum vegg á austurhlið kirkjugarðsins í Reykholti í Borgarfirði. Um talsvert mikla framkvæmd er að ræða þar sem veggurinn í heild er um 80 metra langur. Verktaki var Unnsteinn Elíasson, en við verkið fékk hann til liðs við sig föðurbróður sinn og læriföður, Ara Jóhannesson í Hafnarfirði sem mætti við þriðja mann. Garðveggurinn er listavel gerður, eins og sjá má á myndinni, og mun prýða staðinn nú þegar styttist í hátíðarhöld í Reykholti í tilefni tuttugu ára vígsluafmælis Reykholtskirkju og afmælis ferðaþjónustu í kirkjubyggingunni og Snorrastofu. Vígsluafmælisins verður minnst á kirkjudegi á lokadegi Reykholtshátíðar sunnudaginn 24. júlí næstkomandi.

Líkar þetta

Fleiri fréttir