medium

large

thumbnail

1536x1536

small

custom-size

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

2048x2048

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

Styrktartónleikar í Borgarneskirkju

core/freeform

Mikil umferð hefur verið um umdæmi Lögreglunnar á Vesturlandi að undanförnu enda ferðamannatíminn í hámarki og sumarveðrið gott flesta daga. Umferðin hefur að mestu gengið vel fyrir sig, að sögn Theódórs Þórðarsonar hjá LVL. Alls urðu níu umferðaróhöpp í vikunni sem leið, flest minniháttar. Öll voru óhöppin án teljandi meiðsla á fólki enda allir í öryggisbeltum. Af þessum níu óhöppum voru þrjár útafkeyrslur á Snæfellsnesvegi sem áttu það sameiginlegt að ökumennirnir sem lentu útaf, höfðu allir sofnað undir stýri. Ökumennirnir voru á svipuðum aldri, eða um og yfir sextugt. Ekki er vitað hvað varð til þess að þeim rann í brjóst en allir sluppu þeir vel utan þess að „vakna upp við vondan draum“.

Bæjarhátíðin „Á írskum dögum“ sem haldin var á Akranesi um liðna helgi fór að mestu leyti mjög vel fram, að sögn lögreglu. Nokkuð var um að laganna verðir væru kallaðir til vegna pústra og óláta og einnig vegna ungmenna og fólks á besta aldri, af báðum kynjum, sem hafði drukkið of mikið áfengi í kringum Lopapeysuballið. Nokkrar líkamsárásir voru tilkynntar en ekki er enn ljóst hvort að kærumál verða úr þeim tilkynningum eða ekki. Tveir ökumenn voru teknir fyrir meinta ölvun við akstur og einn grunaður um akstur undir áhrifum fíkniefna á Akranesi um helgina.

Tilkynnt var um mann á sextugsaldri sem veittist að ungum mönnum á torfæruhjólum við Ölver í Hvalfjarðarsveit um liðna helgi.  Var maðurinn sagður hafa barið með grjóti og unnið skemmdir á hlífðarbúnaði annars hjólamannsins, hjólinu hans sem og bifreið sem ungi maðurinn var á. Virðist sem maðurinn hafi verið ósáttur við akstur ungu mannanna á hjólunum eftir vegslóðum á svæðinu sem hann hafði þó heimilað þeim skömmu áður, að þeirra sögn.

Samtals voru 850 ökumenn myndaðir vegna hraðaksturs í síðustu viku af sjálfvirku hraðamyndavélunum, þar af um 270 við Fiskilæk sunnan Hafnarfjalls. Þá tóku lögreglumenn um 50 ökumenn fyrir of hraðan akstur í umferðareftirliti sínu víðs vegar í umdæminu.

Annir við umferðargæslu og pústra á bæjarhátíð